M. Tullius Cicero Pro M. Caelio 24

[24] at praevaricatione est ¹ Asicius liberatus. perfacile est isti loco respondere, mihi praesertim a quo illa causa defensa est. sed Caelius optimam causam Asici esse arbitratur; cuicuimodi ² autem sit, a sua putat esse ³ seiunctam. neque solum Caelius sed etiam adulescentes humanissimi et doctissimi, rectissimis studiis atque optimis artibus praediti, Titus Gaiusque Coponii qui ex omnibus maxime Dionis mortem doluerunt ⁴ , qui cum doctrinae studio ⁵ atque humanitatis tum etiam hospitio Dionis tenebantur. habitabat apud Titum ⁶ , ut audistis, Dio ⁷ , erat ⁸ ei cognitus Alexandriae. quid aut hic aut summo splendore praeditus frater eius de M. M arco Caelio existimet ex ipsis, si producti erunt, audietis.