M. Tullius Cicero Pro P. Sestio 107

ed. William Peterson

Search the Perseus Catalog for:

← Previous Next →

[107] habuit de eodem me P. Lentulus consul contionem: concursus est populi Romani factus; omnes ordines, tota in illa contione Italia constitit. egit causam summa cum gravitate copiaque dicendi tanto silentio, tanta adprobatione omnium, nihil ut umquam videretur tam populare ad populi Romani auris accidisse. productus est ab eo Cn. Pompeius, qui se non solum auctorem meae salutis, sed etiam supplicem populo Romano praebuit¹. huius oratio ut semper gravis et grata in contionibus² fuit, sic contendo numquam neque sententiam eius auctoritate neque³ eloquentiam iucunditate fuisse maiore.

Pro P. Sestio. M. Tullius Cicero. ed. William Peterson. Oxford. 1909.

Sponsored by Perseus Project, Tufts University.

Funding provided by National Endowment For The Humanities (NEH).

Current edition Perseus

Pro P. Sestio (Latin) (Cicero. M. Tulli Ciceronis Orationes, Vol. 5. Peterson, William, editor. Oxford: Clarendon Press, 1909.)

Notes on the current edition

Pro P. Sestio

1. praebuit hic suppl. Madv. (§40), ante pop. Rom. Wesenberg: pop. Rom. exhibuit Hs: pop. exhib. ( om. Rom.) k: professus est Koch, praedicavit Reid ut semper gravis Spengel: et pergravis codd.

2. in contionibus omnibus Eberhard: in contione omnibus Orell. auct. Klotz

3. sententiam eius auctoritate neque s. l. suppl. P 2: ex homoeot. om. P 1, unde numquam (eum add. Eberh.) neque eloquentia (eum add. Oppenrieder) neque iucunditate fuisse maiore Spengel

Search the Perseus Catalog for:

Search the Perseus Catalog for:

Current edition Perseus

Notes on the current edition

Stable identifiers