View:
By Line
Phalaecean
Cui dono lepidum novum libellum
1
arido modo pumice expolitum?
Corneli, tibi; namque tu solebas
meas esse aliquid putare nugas,
iam tum cum ausus es unus Italorum
5
omne aevum tribus explicare chartis,
doctis, Iuppiter, et laboriosis!
quare habe tibi quidquid hoc libelli
qualecumque, quod, o patrona virgo,
plus uno maneat perenne saeclo.
10
Carmina. C. Valerius Catullus. ed. Elmer Truesdell Merrill. Boston. 1893.
Sponsored by Perseus Project, Tufts University.
Funding provided by The National Endowment for the Humanities.