Suda Suidae lexicon 1.A.918

[918] 918 Ἀκόλουθον: ὅμοιον. ἀκόλουθον ἀπέβη τὸ τέλοϲ ταῖϲ προτέραιϲ ¹ ἐνεργείαιϲ. καὶ Ἀκολουθήϲαϲ, ὁμοίωϲ διαπραξάμενοϲ. ² ὁ δὲ Ῥωμαίοϲ, ἔτι μετεωρίζοντοϲ τοῦ Κελτοῦ τὸ ὅπλον, ἀκολουθήϲαϲ ³ κάτωθεν ὑποφέρει τὸ ξίφοϲ, καὶ διακείρει πᾶϲαν ἀπὸ τοῦ βουβῶνοϲ ἕωϲ
ὀμφαλοῦ τὴν λαγόνα. καὶ Πολύβιοϲ· τοὺϲ δὲ ἐτίμηϲε χρυϲοῖϲ ⁴ ὑφάϲμαϲιν καὶ λόγχαιϲ, βουλόμενοϲ ἀκόλουθον εἶναι τοῖϲ ἔργοιϲ τὴν διὰ τῶν λόγων ἐπαγγελίαν. ἀκόλουθόν ἐϲτιν, ὃ ἀναγκαῖον εἶναι ⁵ τῷ ἑτέρῳ εἶναι· μαχόμενον δὲ ὃ ἀναγκαῖον μὴ εἶναι.