Greek Anthology, ed. William Roger Paton, 9.482

Οὐτιδανοὶ μερόπων, εἰ καὶ μέγα ῥέξαμεν ἔργον,

1

οὔτινος εἰς μνήμην δηρὸν ἐπερχόμεθα·

οἱ δʼ ἀγαθοί, κἢν μηδέν, ἀναπνεύσωσι δὲ μοῦνον,

ὡς Λίβυς εἶπεν ἀνήρ, τοῦτʼ ἀδάμαντι μένει.

δήποτε γὰρ Ζήνωνα πολισσοῦχον βασιλῆα,

5

παίγνιον ἀφράστων ἐκτελέοντα κύβων,

τοίη ποικιλότευκτος ἕλεν θέσις, εὖτʼ ἀπὸ λευκοῦ,

τοῦ καὶ ὀπισθιδίην εἰς ὁδὸν ἐρχομένου,

ἑπτὰ μὲν ἕκτος ἔχεν, μίαν εἴνατος· αὐτὰρ ὁ σοῦμμος

δισσὰς ἀμφιέπων ἶσος ἔην δεκάτῳ·

10

ὅς τε πέλει μετὰ σοῦμμον ἔχεν δύο, μουνάδα δʼ ἄλλην

ψῆφον τὴν πυμάτην ἀμφιέπεσκε δίβος.

ἀλλὰ μέλας δισσὰς μὲν ἐν ὀγδοάτῳ λίπε χώρῳ

καὶ τόσσας ἑτέρας ἐς θέσιν ἑνδεκάτην

ἀμφὶ δυωδέκατον δὲ διέπρεπον εἴκελοι ἄλλαι,

15

καὶ τρισκαιδεκάτῳ ψῆφος ἔκειτο μία·

δίζυγες Ἀντίγονον διεκόσμεον ἀλλὰ καὶ αὐτῷ

ἶσος ἔμιμνε τύπος πεντεπικαιδεκάτῳ,

ὀκτωκαιδεκάτῳ πανομοίιος· εἰσέτι δʼ ἄλλας

εἶχεν διχθαδίας τέτρατος ἐκ πυμάτου.

20

αὐτάρ ἄναξ λευκοῖο λαχὼν σημήια πεσσοῦ,

καὶ τὴν ἐσσομένην οὐ νοέων παγίδα,

τριχθαδίας ἀδόκητα βαλὼν ψηφῖδας ἀπʼ ἠθμοῦ,

πύργου δουρατέου κλίμακι κευθομένῃ],

δοιὰ καὶ ἓξ καὶ πέντε κατήγαγεν αὐτίκα δʼ ὀκτὼ

25

ἄζυγας εἶχεν ὅλας πρόσθε μεριζομένας,

τάβλην φεύγετε πάντες, ἐπεὶ καὶ κοίρανος αὐτὸς

κείνης τὰς ἀλόγους οὐχ ὑπάλυξε τύχας.

Greek Anthology 9.482