τὰ τῶν Χηριστιανῶν ἐπιγράμματα εὐσεβῆ τε καὶ θεῖα ἐπιγράμματα κἂν οἱ Ἕλληνες ἀπαρέσκωνται
Anonymi Epigrammatici
εἰς τὸ κιβούριον τῆς ἁγίας Σοφίας
ἃς οἱ πλάνοι καθεῖλον ἐνθάδʼ εἰκόνας
1
ἄνακτες ἐστήλωσαν εὐσεβεῖς πάλιν.
Anonymi Epigrammatici
ἐν ταῖς ἁψῖσι τῶν Βλαχερνῶν
θεῖος Ἰουστῖνος, Σοφίης πόσις, ᾧ πόρε Χριστὸς
1
πάντα διορθοῦσθαι, καὶ κλέος ἐν πολέμοις,
μητρὸς ἀπειρογάμοιο δόμον σκάζοντα νοήσας,
σαθρὸν ἀποσκεδάσας τεῦξέ μιν ἀσφαλέως.
Anonymi Epigrammatici
εἰς τὸ αὐτὸ ἐν ταῖς αὐταῖς
ὁ πρὶν Ἰουστῖνος περικαλλέα δείματο νηὸν
1
τοῦτον μητρὶ Θεοῦ, κάλλεϊ λαμπόμενον·
ὁπλότερος δὲ μετʼ αὐτὸν Ἰουστῖνος βασιλεύων
κρείσσονα τῆς προτέρης ὤπασεν ἀγλαΐην.
Anonymi Epigrammatici
εἰς τὸν ναὸν τοῦ Προδρόμου ἐν τῷ Στουδίου
τοῦτον Ἰωάννῃ, Χριστοῦ μεγάλῳ θεράποντι,
1
Στούδιος ἀγλαὸν οἶκον ἐδείματο· καρπαλίμως δὲ
τῶν κάμεν εὕρετο μισθόν, ἑλὼν ὑπατηίδα ῥάβδον.
Anonymi Epigrammatici
εἰς τὸν ναὸν τοῦ ἁγίου ἀποστόλου Θωμᾶ ἐν τοῖς Ἀμαντίου
τόνδε Θεῷ κάμες οἶκον, Ἀμάντιε, μεσσόθι πόντου,
1
τοῖς πολυδινήτοις κύμασι μαρνάμενος.
οὐ νότος, οὐ βορέης ἱερὸν σέο δῶμα τινάξει,
νηῷ θεσπεσίῳ τῷδε φυλασσόμενον.
ζώοις ἤματα πολλά· σὺ γὰρ νεοθηλέα Ῥώμην,
5
πόντῳ ἐπαΐξας, θήκαο φαιδροτέρην.
Anonymi Epigrammatici
εἰς τὸν ναὸν τοῦ ἁγίου Θεοδώρου ἐν τοῖς Σφωρακίου
Σφωράκιος ποίησε φυγὼν φλόγα μάρτυρι νηόν.
1
Anonymi Epigrammatici
εἰς τὸν αὐτόν
Σφωράκιε, ζώοντι φίλα θρεπτήρια τίνων
1
γήθεεν Ἀντόλιος, σὸς ἀνεψιός· οἰχομένῳ δὲ
αἰεί σοι γεραρὴν τελέει χάριν ὥστε καὶ ἄλλην
εὗρε, καὶ ἐν νηῷ σ’ ἀνεθήκατο, τὸν κάμες αὐτός.
Anonymi Epigrammatici
εἰς τὸν ναὸν τῶν ἁγίων ἀποστόλων πλησίον τοῦ ἁγίου Σεργίου εἰς τὰ Ὁρμίσδου
Χριστὸν παμβασιλῆα φίλοις καμάτοισι γεραίρων
1
τοῦτον Ἰουστινιανὸς ἀγακλέα δείματο νηὸν
Πέτρῳ καὶ Παύλῳ· θεράπουσι γὰρ εὖχος ὀπάζων
αὐτῷ δή τις ἄνακτι φέρει πολυκυδέα τιμήν,
ἐνθάδε καὶ ψυχῇ καὶ ὄμμασι κέρδος ἑτοῖμον
5
εὐχαῖσιν μὲν ἕκαστος ὅ τι χρέος ἐστὶν ἑλέσθω,
τερπέσθω δὲ ὁρῶν κάλλος καὶ δώματος αἴγλην.
Anonymi Epigrammatici
εἰς τὸν ναὸν τοὖ Ἀρχαγγέλου ἐν Βοθρέπτῳ
καὶ τόδε σῶν καμάτων παναοίδιμον ἔργον ἐτύχθη,
1
Γερράδιε κλυτόμητι· σὺ γὰρ περικαλλέα νηὸν
ἀγγελικῆς στρατιῆς σημάντορος αὖτις ἔδειξας.
Anonymi Epigrammatici
εἰς τὸν ναὸν τοῦ ἁγίου μάρτυρος Πολυεύκτου
Εὐδοκίη μὲν ἄνασσα Θεὸν σπεύδουσα γεραίρειν,
1
πρώτη νηὸν ἔτευξε θεοφραδέος Πολυεύκτου
ἀλλʼ οὐ τοῖον ἔτευξε καὶ οὐ τόσον οὔ τινι φειδοῖ,
οὐ κτεάτων χατέουσα — τίνος βασίλεια χατίζει; —
ἀλλʼ ὡς θυμὸν ἔχουσα θεοπρόπον, ὅττι γενέθλην
5
καλλείψει δεδαυῖαν ἀμείνονα κόσμον ὀπάζειν.
ἔνθεν Ἰουλιανή, ζαθέων ἀμάρυγμα τοκήων,
τέτρατον ἐκ κείνων βασιλήιον αἷμα λαχοῦσα,
ἐλπίδας οὐκ ἔψευσεν ἀριστώδινος ἀνάσσης·
ἀλλά μιν ἐκ βαιοῖο μέγαν καὶ τοῖον ἐγείρει,
10
κῦδος ἀεξήσασα πολυσκήπτρων γενετήρων
πάντα γὰρ ὅσσα τέλεσσεν ὑπέρτερα τεῦξε τοκήων,
ὀρθὴν πίστιν ἔχουσα φιλοχρίστοιο μενοινῆς.
τίς γὰρ Ἰουλιανὴν οὐκ ἔκλυεν, ὅττι καὶ αὐτοὺς
εὐκαμάτοις ἔργοισιν ἑοὺς φαίδρυνε τοκῆας,
15
εὐσεβίης ἀλέγουσα; μόνη δʼ ἱδρῶτι δικαίῳ
ἄξιον οἶκον ἔτευξεν ἀειζώῳ Πολυεύκτῳ.
καὶ γὰρ ἀεὶ δεδάηκεν ἀμεμφέα δῶρα κομίζειν
πᾶσιν ἀεθλητῆρσιν ἐπουρανίου βασιλῆος.
πᾶσα χθὼν βοάᾳ, πᾶσα πτόλις, ὅττι τοκῆας
20
φαιδροτέρους ποίησεν ἀρειοτέροισιν ἐπʼ ἔργοις,
ποῦ γὰρ Ἰουλιανὴν ἁγίοις οὐκ ἔστιν ἰδέσθαι
νηὸν ἀναστήσασαν ἀγακλέα; ποῦ σέο μούνης
εὐσεβέων οὐκ ἔστιν ἰδεῖν σημήια χειρῶν;
ποῖος δʼ ἔπλετο χῶρος, ὃς οὐ μάθε σεῖο μενοινὴν
25
εὐσεβίης πλήθουσαν; ὅλης χθονὸς ἐνναετῆρες
σοὺς καμάτους μέλπουσιν ἀειμνήστους γεγαῶτας.
ἔργα γὰρ εὐσεβίης οὐ κρύπτεται· οὐ γὰρ ἀέθλους
λήθη ἀποσβέννυσιν ἀριστοπόνων ἀρετάων.
ὅσσα δὲ σὴ παλάμη θεοπειθέα δώματα τεύχει
30
οὐδʼ αὐτὴ δεδάηκας· ἀμετρήτους γάρ, ὀίω,
μούνη σὺ ξύμπασαν ἀνὰ χθόνα δείμαο ναούς,
οὐρανίου θεράποντας ἀεὶ τρομέουσα Θεοῖο.
ἴχνεσι δʼ εὐκαμάτοισιν ἐφεσπομένη γενετήρων
πᾶσιν, ἀειζώουσαν ἑὴν τεκτήνατο φύτλην,
35
εὐσεβίης ξύμπασαν ἀεὶ πατέουσα πορείην.
τοὔνεκά μιν θεράποντες ἐπουρανίου βασιλῆος,
ὅσσοις δῶρα δίδωσιν, ὅσοις δωμήσατο νηούς,
προφρονέως ἐρύεσθε σὺν υἱέι, τοῖό τε κούραις·
μίμνοι δʼ ἄσπετον εὖχος ἀριστοπόνοιο γενέθλης,
40
εἰσόκεν ἠέλιος πυριλαμπέα δίφρον ἐλαύνει.
ἐν τῇ εἰσόδῳ τοῦ αὐτοῦ ναοῦ ἔξω τοῦ νάρθηκος πρὸς τὴν ἁψῖδα
ποῖος Ἰουλιανῆς χορὸς ἄρκιός ἐστιν ἀέθλοις,
ἣ μετὰ Κωνσταντῖνον ἑῆς κοσμήτορα Ῥώμης,
καὶ μετὰ Θευδοσίου παγχρύσεον ἱερὸν ὄμμα,
καὶ μετὰ τοσσατίων προγόνων βασιληίδα ῥίζαν,
45
ἄξιον ἧς γενεῆς καὶ ὑπέρτερον ἤνυσεν ἔργον
εἰν ὀλίγοις ἔτεσιν; χρόνον ἥδʼ ἐβιήσατο μούνη,
καὶ σοφίην παρέλασσεν ἀειδομένου Σολομῶνος,
νηὸν ἀναστήσασα θεηδόχον, οὗ μέγας αἰὼν
οὐ δύναται μέλψαι χαρίτων πολυδαίδαλον αἴγλην
50
οἷος μὲν προβέβηκε βαθυρρίζοισι θεμέθλοις,
νέρθεν ἀναθρώσκων καὶ αἰθέρος ἄστρα διώκων
οἷος δʼ ἀντολίης μηκύνεται ἐς δύσιν ἕρπων,
ἀρρήτως Φαέθοντος ὑπαστράπτων ἀμαρυγαῖς,
τῇ καὶ τῇ πλευρῇσι· μέσης δʼ ἑκάτερθε πορείης
55
κίονες ἀρρήκτοις ἐπὶ κίοσιν ἑστηῶτες
χρυσορόφου ἀκτῖνας ἀερτάζουσι καλύπτρης.
κόλποι δʼ ἀμφοτέρωθεν ἐπʼ ἀψίδεσσι χυθέντες
φέγγος ἀειδίνητον ἐμαιώσαντο σελήνης·
τοῖχοι δʼ ἀντιπέρηθεν ἀμετμήτοισι κελεύθοις
60
θεσπεσίους λειμῶνας ἀνεζώσαντο μετάλλων,
οὓς φύσις ἀνθήσασα μέσοις ἐνὶ βένθεσι πέτρης
ἀλγλαΐην ἔκλεπτε, Θεοῦ δʼ ἐφύλασσε μελάθροις,
δῶρον Ἰουλιανῆς, ἵνα θέσκελα ἔργα τελέσσῃ
ἀχράντοις κραδίης ὑπὸ νεύμασι ταῦτα καμοῦσα.
65
τίς δὲ φέρων θοὸν ἴχνος ἐπὶ ζεφυρηίδας αὔρας
ὑμνοπόλος σοφίης, ἑκατὸν βλεφάροισι πεποιθώς,
τοξεύσει ἑκάτερθε πολύτροπα δήνεα τέχνης,
οἶκον ἰδὼν λάμποντα, περίδρομον, ἄλλον ἐπʼ ἄλλῳ,
ἔνθʼ ἵνα καὶ γραφίδων ἱερῶν ὑπὲρ ἄντυγος αὐλῆς
70
ἔστιν ἰδεῖν μέγα θαῦμα, πολύφρονα Κωνσταντῖνον,
πῶς προφυγὼν εἴδωλα θεημάχον ἔσβεσε λύσσην,
καὶ Τριάδος φάος εὗρεν ἐν ὕδασι γυῖα καθήρας.
τοῖον Ἰουλιανή, μετὰ μυρίον ἑσμὸν ἀέθλων,
ἤνυσε τοῦτον ἄεθλον ὑπὲρ ψυχῆς γενετήρων,
75
καὶ σφετέρου βιότοιο, καὶ ἐσσομένων καὶ ἐόντων.
Anonymi Epigrammatici
εἰς τοὺς ἁγίους Ἀναργύρους τοὺς εἰς τὰ Βασιλίσκου
τοῖς σοῖς θεράπουσιν ἡ θεράπαινα προσφέρω
1
σοφία τὸ δῶρον. χριστέ, προσδέχου τὰ σά,
καὶ τῷ βασιλεῖ μου μισθὸν Ἰουστίνῳ δίδου,
νίκας ἐπὶ νίκαις κατὰ νόσων καὶ βαρβάρων.
Anonymi Epigrammatici
εἰς τὴν ἁγίαν Εὐφημίαν τὴν Ὀλυβρίου
εἰμὶ δόμος Τριάδος, τρισσὴ δέ με τεῦξε γενέθλη·
1
πρώτη μὲν πολέμους καὶ βάρβαρα φῦλα φυγοῦσα
τεύξατο καὶ μʼ ἀνέθηκε Θεῷ ζωάγρια μόχθων
Θευδοσίου θυγάτηρ Εὐδοξία· ἐκ δέ με κείνης
Πλακιδίη κόσμησε σὺν ὀλβίστῳ παρακοίτῃ·̓·
5
εἰ δέ που ἀγλαΐης ἐπεδεύετο κάλλος ἐμεῖο,
τὴν δέ μοι ὀλβιόδωρος ὑπὲρ μνήμης γενετήρων
δῶκεν Ἰουλιανή, καὶ ὑπέρτατον ὤπασε κῦδος
μητέρι καὶ γενέτῃ καὶ ἀγακλέι μητρὶ τεκούσης,
κόσμον ἀεξήσασα παλαίτερον. ὧδʼ ἐμὸν ἔργον.
10
Anonymi Epigrammatici
εἰς τὸν αὐτὸν ναὸν ἔνδοθεν τοῦ περιδρόμου
κάλλος ἔχον καὶ πρόσθεν ἐπήρατον ἀλλʼ ἐπὶ μορφῇ
1
τῇ πρὶν ἀρειοτέρην νῦν λάχον ἀγλαΐην.
Anonymi Epigrammatici
ἄλλο
οὕτω γῆρας ἐμὸν μετὰ μητέρα καὶ μετὰ τηθὴν
1
ξῦσεν Ἰουλιανή, καὶ νέον ἄνθος ἔχω.
Anonymi Epigrammatici
ἄλλο
ἦν ἄρα καὶ κάλλους ἔτι κάλλιον εὖτʼ ἐμὸν ἔργον,
1
καὶ πρὶν ἐὸν περίπυστον, ἀοίδιμον ἐς χθόνα πᾶσαν,
ἀγλαΐης προτέρης ἐς ὑπέρτερον ἤγαγε κάλλος
τόσσον Ἰουλιανή, ὅσον ἄστρασιν ἀντιφερίζειν.
Anonymi Epigrammatici
ἄλλο
αὐτὴν ἐργοπόνοισιν ἐπιπνείουσαν ἀρωγὴν
1
εἶχεν Ἰουλιανὴ μάρτυρα νηοπόλον
οὔποτε γὰρ τοῖόν τε τόσον τʼ εὐδαίδαλον ἔργον
ἤνυσεν, οὐρανίης ἔμπλεον ἀγλαΐης.
Anonymi Epigrammatici
ἄλλο
οὐκέτι θαυμάζεις προτέρων κλέος· οὐ διὰ τέχνης
1
εὖχος ἐν ὀψιγόνοις λίπον ἄσπετον, ὁσσάτιόν περ
κῦδος Ἰουλιανῆς πινυτόφρονος, ἣ χάριν ἔργων
ἀρχεγόνων νίκησε νοήματα πάνσοφα φωτῶν.
Anonymi Epigrammatici
εἰς Ἀκούβιτον. εἰς Βαήν
τῆς ἀγαθῆς ἀγαθὸς μὲν ἐγὼ κύκλος Ἀγαθονίκης
1
ἄνθετο δʼ ἀχράντῳ μάρτυρί με Τροφίμῳ.
Claudianus
εἰς τὸν σωτῆρα
πυρὸς ἀενάοιο σοφὴν ὠδῖνα φυλάσσων,
1
ἐμβεβαὼς κόσμοιο παλινδίνητον ἀνάγκην,
χριστέ, θεορρήτοιο βίου φυσίζοε πηγή,
πατρὸς ἀσημάντοιο Θεοῦ πρωτόσπορε φωνή,
ὃς μετὰ μητρῴων τοκετῶν ἐγκύμονα φόρτον
5
καὶ γόνον αὐτοτέλεστον ἀνυμφεύτων ὑμεναίων
στήσας Ἀσσυρίης γενεῆς ἑτερόφρονα λύσσαν,
ὄργια δʼ εἰδώλων κενεῶν ψευδώνυμα λύσας,
αἰθέρος ἀμφιβέβηκας ἐφʼ ἑπτάζωνον ὀχῆα,
ἀγγελικαῖς πτερύγεσσιν ἐν ἀρρήτοισι θαάσσων
10
ἵλαθι, παγγενέταο Θεοῦ πρεσβήιον ὄμμα,
φρουρὲ βίου, σῶτερ μερόπων, αἰῶνος ἀνάσσων.
Claudianus
εἰς τὸν δεσπότην Χριστόν
Ἀρτιφανές, πολοοῦχε, παλαιγενές, υἱὲ νεογνέ,
1
αἰὲν ἐὼν προεών τε, ὑπέρτατε, ὕστατε, Χριστέ,
ἀθανάτοιο πατρός τε ὁμόχρονε, πάμπαν ὁμοῖε.
Anonymi Epigrammatici
εἰς τὸν αὐτόν
παῖ, γέρον, αἰώνων προγενέστερε, πατρὸς ὁμῆλιξ·
1
Anonymi Epigrammatici
εἰς τὸν αὐτόν
πατρὸς ἐπουρανίου λόγε πάνσοφε, κοίρανε κόσμου,
1
ὁ βροτέην γενεὴν τιμήσας εἰκόνι σεῖο,
σὴν χάριν ἄμμιν ὄπαζε καὶ ὀλβιόδωρον ἀρωγὴν
εἰς σὲ γὰρ εἰσορόωσιν ἐν ἐλπίσιν ὄμματα πάντων.
Marinus
εἰς τὸν αὐτόν
ἀθανάτου πατρὸς υἱὲ συνάχρονε, κοίρανε πάντων,
1
αἰθερίων μεδέων, εἰναλίων, χθονίων,
δμωὶ τεῷ, τῷ τήνδε βίβλον γράψαντι , Μαρίνῳ
δὸς χάριν εὐεπίης καὶ λογικῆς σοφίας.
Anonymi Epigrammatici
εἰς τὸν αὐτόν
Σύνθρονε καὶ συνάναρχε τεῷ πατρί, πνεύματί τʼ· ἐσθλῷ,
1
οἰχομένων ὄντων τε καὶ ἐσσομένων βασιλεύων,
τῷ ταῦτα γράψαντι τεὴν χάριν αὐτὸς ὀπάζοις,
ὄφρα κε σῇς ἐφετμῇσι καλῶς βίου οἶμον ὁδεύοι.
Anonymi Epigrammatici
εἰς τὸν αὐτόν
χριστέ, Θεοῦ σοφίη, κόσμου μεδέων καὶ ἀνάσσων
1
ἡμετέρην τὸ πάροιθε πλάσας μεροπηίδα φύτλην,
δός με θέειν βίου οἶμον ἐν ὑμετέραις ἐφετμῇσι.
Anonymi Epigrammatici
εἰς τὸν αὐτόν
ὑψιμέδων Θεοῦ υἱέ, φαοσφόρον ἀίδιον φῶς,
1
σήν μοι ὄπαζε χάριν καὶ νῦν καὶ ἔπειτα καὶ αἰεί,
ὡς προθέλυμνον ἐοῦσαν ὅτῳ καὶ ὅπῃ κατανεύσεις.
Anonymi Epigrammatici
εἰς τὸν αὐτόν
Πανσθενὲς υἱὲ Θεοῦ, Χριστέ, προάναρχε ἁπάντων,
1
πᾶσιν ἐπιχθονίοις σωτήρια νάματα βλύζων,
μητρὸς ἀπειρογάμοιο τεῆς λιτέων ἐπακούων,
σὴν χάριν ἄμμιν ὄπαζε καὶ ἐν μύθοις καὶ ἐν ἔργοις.
Marinus
εἰς τὸν αὐτόν
χριστέ, Θεοῦ σοφίη, χάριν ὤπασον εὐεπιάων,
1
καὶ λογικῆς σοφίης ἐμπέραμον τέλεσον,
ὃς τόδε τεῦχος ἔγραψεν ἑαῖς χείρεσσι Μαρῖνος,
φάρμακον ἀφραδίης, πρόξενον εὐφραδίης.
Anonymi Epigrammatici
εἰς τὸν αὐτὸν μονόστιχα
χριστέ, τεὴν προΐαλλε χάριν καμάτοισιν ἐμεῖο.
1
ὁ Χριστὸς καὶ ἐμοῖς ἐπιτάρροθος ἔσσεται ἔργοις.
Χριστὸς ἐμοῖς καμάτοισιν ἀρηγόνα χεῖρα τιταίνοι.
χριστέ, σύ μοι προΐαλλε τεὴν πολύολβον ἀρωγήν.
χριστέ, τεὴν καμάτοισιν ἐμοῖς χάριν αὐτὸς
5
Anonymi Epigrammatici
εἰς τὸν αὐτόν
χριστὲ μάκαρ, μερόπων φάος ἄφθιτον, ἐλπὶς ἁπάντων,
1
ἐσθλὰ δίδου χατέουσι, τὰ δʼ οὐ καλὰ νόσφιν ἐρύκοις,.
Anonymi Epigrammatici
εἰς τὴν ὑπεραγίαν θεοτόκον
Παμμεδέοντα, ἄνασσα, Θεοῖο, γόνον τεόν, υἱόν,
1
ἄγγελοι ὃν τρομέουσι, τεῇς παλάμῃσι κρατοῦσα,
πρευμενέα πραπίδεσσιν ὑπὲρ μερόπων τελέουσα,
ῥύεο συντηροῦσα ἀπήμονα κόσμον ἅπαντα.
Anonymi Epigrammatici
εἰς τὸν ἀρχάγγελον Μιχαήλ
ὧδε ταλαιπαθέων χραισμήια θέσκελα κεῖται
1
ἢ δέμας ἢ κραδίην τειρομένων μερόπων
καὶ γὰρ ἀνιάζουσα πόνων φύσις αὐτίκα φεύγει
οὔνομα σόν, Μιχαήλ, ἢ τύπον, ἢ θαλάμους.
Neilus
εἰς εἰκόνα τοῦ ἀρχαγγέλου
ὡς θρασὺ μορφῶσαι τὸν ἀσώματον ἀλλὰ καὶ εἰκὼν
1
ἐς νοερὴν ἀνάγει μνῆστιν ἐπουρανίων.
Agathias Scholasticus
εἰς τὴν αὐτὴν ἐν Πλάτῃ
ἄσκοπον ἀγγελίαρχον, ἀσώματον εἴδεϊ μορφῆς,
1
ἆ μέγα τολμήεις κηρὸς ἀπεπλάσατο·
ἔμπης οὐκ ἀχάριστον, ἐπεὶ βροτὸς εἰκόνα λεύσσων
θυμὸν ἀπιθύνει κρέσσονι φαντασίῃ·
οὐκέτι δʼ ἀλλοπρόσαλλον ἔχει σέβας, ἀλλʼ ἐν ἑαυτῷ
5
τὸν τύπον ἐγγράψας ὡς παρεόντα τρέμει·
ὄμματα δʼ ὀτρύνουσι βαθὺν νόον οἶδε δὲ τέχνη
χρώμασι πορθμεῦσαι τὴν φρενὸς ἱκεσίην.
Agathias Scholasticus
εἰς τὸν αὐτὸν ἐν τῷ Σωσθενίῳ
Καρικὸς Αἰμιλιανὸς, Ἰωάννης τε σὺν αὐτῷ,
1
Ῥουφῖνος Φαρίης, Ἀγαθίης Ἀσίης,
τέτρατον, ἀγγελίαρχε, νόμων λυκάβαντα λαχόντες,
ἄνθεσαν εἰς σέ, μάκαρ, τὴν σφετέρην γραφίδα,
αἰτοῦντες τὸν ἔπειτα καλὸν χρόνον· ἀλλὰ φανείης
5
ἐλπίδας ἰθύνων ἐσσομένου βιότου.
Agathias Scholasticus
εἰς εἰκόνα Θεοδώρου Ἰλλουστρίου καὶ δὶς ἀνθυπάτου, ἐν ᾑ̓͂ γέγραπται παρὰ τοῦ ἀρχαγγέκου δεχόμενος τὰς ἀξίας ἐν Ἐφέσῳ
ἵλαθι μορφωθείς, ἀρχάγγελε· σὴ γὰρ ὀπωπὴ
1
ἄσκοπος· ἀλλὰ βροτῶν δῶρα πέλουσι τάδε·
ἐκ σέο γὰρ Θεόδωρος ἔχει ζωστῆρα μαγίστρου
καὶ δὶς ἀεθλεύει πρὸς θρόνον ἀνθυπάτων
τῆς δʼ εὐγνωμοσύνης μάρτυς γραφίς· ὑμετέρην γὰρ
5
χρώμασι μιμηλὴν ἀντετύπωσε χάριν.
Anonymi Epigrammatici
εἰς τὴν Χριστοῦ γέννησιν
σάλπιγγες, στεροπαί, γαῖα τρέμει· ἀλλʼ ἐπὶ μήτρην
1
παρθενικὴν κατέβης ἄψοφον ἴχνος ἔχων.
Anonymi Epigrammatici
εἰς τὸ αὐτό
οὐρανὸς ἡ φάτνη, καὶ οὐρανοῦ ἔπλετο μείζων
1
οὐρανὸς ἐργασίη τοῦδε πέλει βρέφεος.
Anonymi Epigrammatici
εἰς τοὺς ποιμένας καὶ τοὺς ἀγγέλους
εἷς χορός, ἓν μέλος ἀνθρώποισι καὶ ἀγγελιώταις,
1
οὕνεκεν ἄνθρωπος καὶ θεὸς ἓν γέγονε.
Anonymi Epigrammatici
εἰς τὴν Χριστοῦ γέννησιν
οὐρανὸς ἡ φάτνη, καὶ οὐρανοῦ ἔπλετο μείζων,
1
οὕνεκεν ὅνπερ ἔδεκτο ἄναξ πέλεν οὐρανιώνων.
Anonymi Epigrammatici
εἰς τοὺς μάγους
οὐκέτι δῶρʼ ἀνάγουσι μάγοι πυρὶ ἠελίῳ τε·
1
ἠέλιον γὰρ ἔτευξε τόδε βρέφος, ὡς πυρὸς αὐγάς.
Anonymi Epigrammatici
εἰς τὸ Βηθλεέμ
Δέχνυσο, Βηθλεέμ, ὃν προέειπε προφήτης ἐσθλὸς
1
ἵξεσθαι λαῶν ἡγούμενον ἐκ σοῦ ἁπάντων.
Anonymi Epigrammatici
εἰς τὴν Ῥαχήλ
τίπτε, Ῥαχήλ, γοόωσα πικρὸν κατὰ δάκρυον εἴβεις;
1
Ὀλλυμένην ὁρόωσα γονὴν κατὰ δάκρυον εἴβω.
Anonymi Epigrammatici
εἰς τὸν εὐαγγελισμόν
χαῖρε, κόρη χαρίεσσα, μακαρτάτη, ἄφθορε νύμφη·
1
υἷα Θεοῦ λαγόνεσσιν ἄτερ πατρὸς ἔμβρυον ἕξεις.
Anonymi Epigrammatici
εἰς τὸν ἀσπασμόν
ἔνδοθι γαστρὸς ἐὼν σκιρτήμασιν εἶδε προφήτης
1
σὸν γόνον ὡς θεός ἐστι, καὶ ᾔνεσε πότνια μήτηρ.
Anonymi Epigrammatici
εἰς τὴν ὑπαντήν
πρεσβύτα, παῖδα δέχοιο, Ἀδὰμ προγενέστερον ὄντα,
1
ὅς σε βίου λύσει τε καὶ ἐς βίον ἄφθιτον ἄξει.
Anonymi Epigrammatici
εἰς τὴν βάπτισιν
πατρὸς ἀπʼ ἀθανάτοιο μεγασθενὲς ἤλυθε πνεῦμα,
1
υἱὸς ἐπεὶ βαπτίζετʼ Ἰορδάνου ἀμφὶ ῥέεθρα.
Anonymi Epigrammatici
εἰς τὴν μεταμόρφωσιν
Ἀδὰμ ἦν ζο
1
Anonymi Epigrammatici
εἰς τὸν Λάζαρον
Χριστὸς ἔφη,
πρόμολʼ ὧδε· καὶ ἔλλιπε Λάζαρος ᾅδην,
1
αὐαλέῳ μυκτῆρι πάλιν σόον ἆσθμα κομίζων.
Anonymi Epigrammatici
εἰς τὸν αὐτὸν ἐν Ἐφέσῳ
ψυχὴν αὐτὸς ἔτευξε, δέμας μόρφωσεν ὁ αὐτός·
1
Λάζαρον ἐκ νεκύων ἐς φάος αὐτὸς ἄγει.
Gregorius Nazianzenus
εἰς τὸν αὐτόν
τέτρατον ἦμαρ ἔην, καὶ Λάζαρος ἔγρετο τύμβου,
1
Anonymi Epigrammatici
εἰς τὰ Βαΐα
χαῖρε, Σιὼν θύγατερ, καὶ δέρκεο Χριστὸν ἄνακτα
1
πώλῳ ἐφεζόμενον, καὶ ἐς πάθος αἶψα κιόντα.
Anonymi Epigrammatici
εἰς τὸ Πάσχα
ἀμνὸν ἔπαυσε νόμου καὶ ἄμβροτον ὤπασε θῦμα
1
Χριστός, ἐὼν ἱερεύς, αὐτὸς ἐὼν θυσίη.
Anonymi Epigrammatici
εἰς τὴν σταύρωσιν
πάθος, ὦ σταυρός, παθέων ἐλατήριον αἷμα,
1
πλῦνον ἐμῆς ψυχῆς πᾶσαν ἀτασθαλίην
Anonymi Epigrammatici
εἰς τὴν αὐτήν
παρθένου υἱὸν ἔφη τὸν παρθένον, ἄλλον ἑαυτόν.
1
ἵλαθι τῆς καθαρῆς δέσποτα παρθενίης.
Anonymi Epigrammatici
εἰς τὴν ἀνάστασιν
Χριστὸς ἐὼν Θεὸς εἷλε νέκυς ἐξ ᾅδου πάντας·
1
μοῦνον δὲ βροτολοιγὸν ἀκήριον ἔλλιπεν ᾍδην.
Anonymi Epigrammatici
εἰς τὸν ἀμνὸν τοῦ θεοῦ
ψυχῆς ἐν φλιῇσιν ἐμῆς σωτήριον αἷμα
1
ἀμνοῦ ὀλοθρεύων, φεῦγε, μὴ ἐγγὺς ἴθι.
Anonymi Epigrammatici
εἰς τὸν πόκον Γεδεών
εἷς πόκος ὄμβρον ἔχει λεκάνῃ δρόσον ὤπασεν αὐτός,
1
ἄβροχος αὐτὸς ὅδε· κρύπτε νόῳ κρύφια.
Anonymi Epigrammatici
εἰς τὸν Μωσῆν καὶ εἰς τὴν θυγατέρα Φαραῶ
Αἰγυπτίη, κρύφιόν τε βρέφος, καὶ ἐγγύθεν ὕδωρ·
1
ἃ προτυποῖ μούνοις εὐσεβέεσσι Λόγον.
Anonymi Epigrammatici
τῷδε τύπῳ Ἀμαλὴκ ὄλλυται ἀμφότερος.
εἰς τὸν αὐτὸν ὅτε τὰς παλάμας ἐξέτεινε τροπούμενος
τὸν Ἀμαλήκ
1
Σταυροφανῶς τανύεις παλάμας τίνος εἵνεκα, Μωσῆ;
τῷδε τύπῳ Ἀμαλὴκ ὄλλυται ἀμφότερος.
Anonymi Epigrammatici
εἰς τὸν αὐτόν
ῥύεο σὴν ἐθνικὴν νύμφην παρὰ ὕδασι, Μωσῆ,
1
νυμφίου ἀψευδοῦς οὕνεκέν ἐσσι τύπος.
Anonymi Epigrammatici
εἰς τὴν κιβωτὸν ὅτε τὸν Ἰορδάνην ἐπέρασεν
λάρνακι χρυσείῃ ῥόος εἴκαθεν. ἵλαθι, Χριστέ
1
σὸς τύπος ἡ λάρναξ, τῇδε λοεσσομένου.
Anonymi Epigrammatici
[εἰς τὴν Ἄγαρ]
ἐξ ἐθνῶν καὶ Ἄγαρ· τί δὲ ἄγγελος; ἢ τί τὸ ὕδωρ;
1
ἐξ ἐθνῶν καὶ ἐγώ· τοὔνεκεν οἶδα τάδε.
Anonymi Epigrammatici
εἰς τοὺς ο φοίνικας καὶ τὰς ιβ πηγάς
ἑπτάκι τοὺς δέκα φοίνικας, δυοκαίδεκα πηγὰς
1
Χριστοῦ τοσσατίων ἴσθι τύπους ἑτάρων.
Anonymi Epigrammatici
εἰς τὸν Ἀβραάμ
Ἀβραὰμ υἱὸν ἄγει θυσίην Θεῷ· ἵλαθι, ποίην
1
νοῦς ὁράᾳ θυσίην, ἧς τόδε γράμμα τύπος;
Anonymi Epigrammatici
εἰς τὸν Μελχισεδέκ διδοῦντα τῷ Ἀβραὰμ οἶνον καὶ ἄρτους
Μελχισεδὲκ βασιλεῦ, ἱερεῦ, ἄρτους τε καὶ οἶνον
1
ὡς τίς ἐὼν παρέχεις;
ὡς τύπος ἀτρεκίης.
Anonymi Epigrammatici
εἰς τὸν Ἀβραάμ ὅτε ὑπεδέξατο τὸν θεόν
μορφὴν ἐνθάδε μοῦνον ἔχει Θεός· ὕστερον αὖτε
1
ἐς φύσιν ἀτρεκέως ἤλυθεν ἀνδρομέην.
Anonymi Epigrammatici
εἰς τὸν Ἰσαὰκ καὶ τὸν Ἰακώβ ὅτε αὐτὸν ηὐλόγησεν
πνοιὴν μὲν διὰ πνεῦμα, δέρας δὲ λάχον διὰ γράμμα
1
εὐφραίνει πατέρα νοῦς Θεὸν εἰσορόων.
Anonymi Epigrammatici
εἰς τὴν Ῥεβέκκαν
Νυμφίε μουνογενές, νύμφη ἐθνική σε φιλοῦσα
1
κάτθορεν ἐξ ὕψους σώματος οὐ καθαροῦ.
Anonymi Epigrammatici
εἰς τὴν αὐτήν
τηλόθεν οὐχ ὑδάτων μνηστεύετο πότνα Ῥεβέκκα,
1
νύμφης ἐξ ἐθνῶν οὕνεκέν ἐστι τύπος.
Anonymi Epigrammatici
εἰς τὴν Σωμανίτιν
εὐχὴ Ἐλισσαίου, Σωμανίτι, δὶς πόρεν υἱόν,
1
πρῶτα μὲν ἐκ γαστρός, δεύτερα δʼ ἐκ νεκύων.
Anonymi Epigrammatici
εἰς τὴν μηλωτὴν Ἠλίου
τοῦτο δέρας προλέγει ἀμνὸν Θεοῦ εἵνεκα πάντων
1
ἀνθρώπων ζωῆς τῇδε λοεσσόμενον.
Anonymi Epigrammatici
εἰς τὸν Δαβὶδ χριόμενον
ἐν νῷ ἔχων πέφρικα πατὴρ τίνος ἔκλυε Δαβὶδ
1
οὗτος, ὃν εἰσοράᾳς ἐνθάδε χριόμενον.
Anonymi Epigrammatici
εἰς τὸν τυφλόν
οὔνομα τῇ πηγῇ Ἐσταλμένος· ἀλλὰ τίς ἐκ τοῦ
1
ἔσταλται νοέεις, ὄφρα τέλεια βλέποις;
Anonymi Epigrammatici
εἰς τὴν Σαμαρεῖτιν
οὐ τύπος, ἀλλὰ Θεὸς καὶ νυμφίος ἐνθάδε νύμφην
1
σῴζει, τὴν ἐθνικήν, ὕδατος ἐγγὺς ἰδών.
Anonymi Epigrammatici
εἰς τὸν γάμον
τεῦξε μὲν ἀτρεκέως οἶνον Θεός· ὅσσα δὲ κρυπτὰ
1
θαύματος, εἰ Χριστοῦ πνεῦμά σ’ ἔχει, νοέεις.
Anonymi Epigrammatici
εἰς τὴν χήραν τὴν τὸν Ἠλίαν θρέψασαν
βλύζει ἐλαιηρὴ κάλπις καὶ κίστη ἀλεύρου,
1
ἔμπεδον ἡ χήρη οὕνεκα πίστιν ἔχει.
Anonymi Epigrammatici
εἰς Πέτρον τὸν ἀπόστολον
πάντων ἀρχιερεὺς Πέτρος Θεοῦ ἀρχιερήων,
1
ὃς Θεοῦ ἐκ φωνῆς ἔλλαχε τοῦτο γέρας.
Anonymi Epigrammatici
εἰς Παῦλον τὸν ἀπόστολον
Παῦλος ἐπεὶ θεῖον σέλας οὐρανοῦ ἔδρακεν ἄντην,
1
φωτὸς ἀπειρεσίου γαῖαν ἔπλησεν ὅλην.
Anonymi Epigrammatici
εἰς Ἰωάννην τὸν ἀπόστολον
ἀρχιερεὺς Ἐφέσοιο θεηγόρος ἐκ Θεοῦ εἶπεν
1
πρῶτος Ἰωάννης, ὡς Θεὸς ἦν ὁ λόγος.
Anonymi Epigrammatici
εἰς τὸν αὐτόν
καὶ λαλέοντος ἄκουσε Λόγου καὶ πέφραδεν αὐτὸς
1
πρῶτος Ἰωάννης, ὡς Θεὸς ἦν ὁ λόγος.
Anonymi Epigrammatici
εἰς τὸν αὐτὸν ἀπόστολον Ἰωάννην
οὐρανίης σοφίης θεοτερπὲς δῶμα κιχήσας
1
εἶπεν Ἰωάννης, ὡς Θεὸς ἦν ὁ λόγος.
Anonymi Epigrammatici
εἰς τὸν Ματθαῖον
γράψε Θεοῦ σαρκώσιος ἔξοχα θαύματα πάντα
1
Ματθαῖος σελίδεσσιν, ἐπεὶ λίπε δῶμα τελώνου.
Anonymi Epigrammatici
εἰς τὸν Λουκᾶν
ἀθανάτου βιότοιο τελεσφόρα ἔργματα Χριστοῦ
1
πυκτίου ἐν λαγόνεσσι σαφῶς ἐνέπασσέ γε Λουκᾶς.
Anonymi Epigrammatici
εἰς τὸν Μάρκον
οὐ κατʼ ἐπωνυμίην Αἰγύπτιον ἔλλαχε λαὸν
1
ὄρφνη, ἐπεὶ φωνῆς Μάρκου ἔδεκτο φάος.
Anonymi Epigrammatici
εἰς τὸν ἅγιον Βασίλειον
παρθενίην Βασίλειος Ἰωάννου σοφίην τε
1
ἔλλαχεν, ἶσα λαχὼν καὶ τάδε Γρηγορίῳ.
Anonymi Epigrammatici
εἰς τὸν ἅγιον Πολύκαρπον
οἰκτίρμων Οἰκτίρμων Πολύκαρπος ὃ καὶ θρόνον ἀρχιερῆος
1
ἔσχε καὶ ἀτρεκέως μαρτυρίης στεφάνους,
Anonymi Epigrammatici
εἰς τὸν ἅγιον Διονύσιον
οὐρανίων θιάσων ἱεραρχικὰ τάγματα μέλψας,
1
μορφοφανῶν τε τύπων κρύφιον νόον εἰς φάος ἕλκων,
ζωοσόφων λογίων θεοτερπέα πυρσὸν ἀνάπτεις.
Anonymi Epigrammatici
εἰς τὸν ἅγιον Νικόλαον
Νικόλεων Πολύκαρπος ἔχει σχεδόν, οὕνεκεν ἄμφω
1
εἰς ἔλεον παλάμας ἔσχον ἑτοιμοτάτας.
Sophronius
εἰς Κῦρον καὶ Ἰωάννην
Κύρῳ, ἀκεστορίης πανυπέρτατα μέτρα λαχόντι,
1
καὶ τῷ Ἰωάννῃ, μάρτυσι θεσπεσίοις,
Σωφρόνιος, βλεφάρων ψυχαλγέα νοῦσον ἀλύξας,
βαιὸν ἀμειβόμενος τήνδʼ ἀνέθηκε βίβλον.
Anonymi Epigrammatici
εἰς Ἰουστινιανὸν τὸν βασιλέα ἐν Ἐφέσῳ
Ἰουστινιανὸν καὶ ἠγαθέην Θεοδώρην
1
στέψεν Ἰωάννης Χριστοῦ ἐφημοσύναις.
Gregorius Nazianzenus
ἐν Καισαρείᾳ εἰς τὸν ναὸν τοῦ ἁγίου Βασιλείου
ἦν ὅτε Χριστὸς ἴαυεν ἐπʼ ὁλκάδος ἔμφυτον ὕπνον,
1
τετρήχει δὲ θάλασσα κυδοιμοτόκοισιν ἀήταος
δείματί τε πλωτῆρες ἀνίαχον “ἔγρεο, σῶτερ·
ὀλλυμένοις ἐπάμυνον.” ἄναξ δὲ κέλευεν ἀναστὰς
ἀτρεμέειν ἀνέμους καὶ κύματα, καὶ πέλεν οὕτως·
5
θαύματι δὲ φράζοντο Θεοῦ φύσιν οἱ παρεόντες.
Anonymi Epigrammatici
εἰς τὸν αὐτὸν ναόν
Ζωογόνων ἀρετῶν τετρακτύος εἰκόνα λεύσσων,
1
σεῦε νόον πρὸς μόχθον ἑκούσιον εὐσεβίης γὰρ
ἱδρῶτες δεδάασιν ἀγήραον ἐς βίον ἕλκειν.
Anonymi Epigrammatici
εἰς τὴν κοίμησιν τῆς ὑπεραγίας θεοτόκου
νεύμασι θεσπεσίοις μετάρσιοι ἤλυθον ἄρδην,
1
ἐς δόμον ἀχράντοιο ἀμωμήτοιο γυναικὸς
κεκλόμενοι, μαθηταὶ ἀλλήλοισιν αἰγλήεντες,
οἱ μὲν ἀπʼ ἀντολίης, οἱ δʼ ἑσπερίοισιν γαίης,
ἄλλοι μεσημβρίης, ἕτεροι βαῖνον δʼ ἀπʼ ἀρκτῴων,
5
διζήμενοι κηδεῦσαι σῶμα τὸ σωσικόσμοιο.
Anonymi Epigrammatici
ἐν Ἐφέσῳ
σοί, μάκαρ, ἐκ σέο δῶκα τάπερ πόρες ἄμμιν ἄρηι.
1
Anonymi Epigrammatici
εἰς σκῆπτρον
τοῦτο γέρας λάχεν ἐσθλὸς Ἀμάντιος, ὡς βασιλῆι
1
πιστὸς ἐών, Χριστὸν δὲ θεουδείῃσιν ἰαίνων.
Anonymi Epigrammatici
ἐν τῇ Μελίτῃ
νηὸς ἐγὼ κύδιστος Ἰουστίνοιο ἄνακτος,
1
καὶ μʼ ὕπατος Θεόδωρος, ὁ καρτερός, ὁ τρὶς ὕπαρχος,
ἄνθετο καὶ βασιλῆι, καὶ υἱέι παμβασιλῆος,
Ἰουστινιανῷ, στρατιῆς ἡγήτορι πάσης.
Anonymi Epigrammatici
ἐν τῷ αὐτῷ τόπῳ
ἔργον ὁρᾷς περίπυστον Ἰουστίνου βασιλῆος,
1
Ἰουστινιανοῦ τε μεγασθενέος στρατιάρχου,
λαμπόμενον στεροπῇσιν ἀμετρήτοιο μετάλλου·
τοῦτο κάμεν Θεόδωρος ἀοίδιμος, ὃς πόλιν ἄρας
τὸ τρίτον ἀμφιβέβηκεν ἔχων ὑπατηίδα τιμήν.
5
Flavius Cyrus
ἐν τῷ κίονι τοῦ ὁσίου Δανιὴλ ἐν τῷ ἀνάπλῳ
μεσσηγὺς γαίης τε καὶ οὐρανοῦ ἵσταται ἀνήρ,
1
πάντοθεν ὀρνυμένους οὐ τρομέων ἀνέμους.
ἴχνια ῥιζώσας κίονι διχθάδια·
λιμῷ δʼ ἀμβροσίᾳ τρέφεται καὶ ἀπήμονι δίψῃ,
υἱέα κηρύσσων μητρὸς ἀπειρογάμου.
5
Anonymi Epigrammatici
εἰς Νεῖλον μοναχὸν τὸν μέγαν ἐν τοῖς ἀσκηταῖς
Νείλου μὲν ποταμοῖο ῥόος χθόνα οἶδε ποτίζειν,
1
Νείλου δʼ αὖ μοναχοῖο λόγος φρένας οἶδεν ἰαίνειν.
Menander Protector
εἰς Πέρσην μάγον, γενόμενον χριστιανὸν καὶ μαρτυρήσαντα
ἦν πάρος ἐν Πέρσῃσιν ἐγὼ μάγος Ἰσβοζήτης,
1
εἰς ὀλοὴν ἀπάτην ἐλπίδας ἐκκρεμάσας·
εὖτε δὲ πυρσὸς ἔδαπτεν ἐμὴν πόλιν, ἦλθον ἀρῆξαι,
ἦλθε δὲ καὶ Χριστοῦ πανσθενέος θεράπων
κείνῳ δʼ ἐσβέσθη δύναμις πυρός· ἀλλὰ καὶ ἔμπης
5
νικηθεὶς νίκην ἤνυσα θειοτέρην.
Anonymi Epigrammatici
εἰς τὸν σωτῆρα καὶ κύριον ἡμῶν Ἰησοῦν Χριστὸν υἱὸν τοῦ θεοῦ
ὤ πάντων ἐπέκεινα — τί γὰρ πλέον ἄλλο σε μέλψω;
1
πῶς σὲ τὸν ἐν πάντεσσιν ὑπείροχον ἐξονομήνω;
πῶς δὲ λόγῳ μέλψω σὲ τὸν οὐδὲ λόγῳ περιληπτόν,
Anonymi Epigrammatici
εἰς ὑπέρθυρον οἴκου ἐν Κυζίκῳ σωθέντος ἀπὸ πυρός
Μῶμε μιαιφόνε, σός σε κατέκτανε πικρὸς ὀιστός·
1
ῥύσατο γὰρ μανίης με τεῆς Θεὸς ὄλβιον οἶκον.
Anonymi Epigrammatici
εἰς τὴν θήκην τῶν λειψάνων τοῦ ἁγίου μάρτυρος Ἀκακίου καὶ Ἀλεξάνδρου
μάρτυρος Ἀκακίοιο, Ἀλεξάνδρου θʼ ἱερῆος
1
ἐνθάδε σώματα κεῖται, τάπερ χρόνος ὄλβιος ηὗρε.
Anonymi Epigrammatici
εἰς Εὐδοκίαν τὴν γυναῖκα Θεοδοσίου βασιλέως
ἡ μὲν σοφὴ δέσποινα τῆς οἰκουμένης,
1
ὑπʼ εὐσεβοῦς ἔρωτος ἠρεθισμένη,
πάρεστι δούλη, προσκυνεῖ δʼ ἑνὸς τάφον,
ἡ πᾶσιν ἀνθρώποισι προσκυνουμένη.
ὁ γὰρ δεδωκὼς τὸν θρόνον καὶ τὸν γάμον
5
τέθνηκεν ὡς ἄνθρωπος, ἀλλὰ ζῇ θεός·
κάτω μὲν ἠνθρώπιζεν ἦν δʼ ὡς ἦν ἄνω.
Anonymi Epigrammatici
ἐν τῷ χρυσοτρικλίνῳ Μαζαρινῷ
ἔλαμψεν ἀκτὶς τῆς ἀληθείης πάλιν,
1
καὶ τὰς κόρας ἤμβλυνε τῶν ψευδηγόρων
ηὔξησεν εὐσέβεια, πέπτωκε πλάνη,
καὶ πίστις ἀνθεῖ καὶ πλατύνεται χάρις.
ἰδοὺ γὰρ αὖθις Χριστὸς εἰκονισμένος
5
λάμπει πρὸς ὕψος τῆς καθέδρας τοῦ κράτους,
καὶ τὰς σκοτεινὰς αἱρέσεις ἀνατρέπει.
τῆς εἰσόδου δʼ ὕπερθεν, ὡς θεία πύλη,
στηλογραφεῖται καὶ φύλαξ ἡ παρθένος,
ἄναξ δὲ καὶ πρόεδρος ὡς πλανοτρόποι
10
σὺν τοῖς συνεργοῖς ἱστοροῦνται πλησίον
κύκλῳ δὲ παντὸς οἷα φρουροὶ τοῦ δόμου,
νόες, μαθηταί, μάρτυρες, θυηπόλοι,
ὅθεν καλοῦμεν χριστοτρίκλινον νέον,
τὸν πρὶν λαχόντα κλήσεως χρυσωνύμου,
15
ὡς τὸν θρόνον ἔχοντα Χριστοῦ κυρίου,
Χριστοῦ δὲ μητρός, χριστοκηρύκων τύπους,
καὶ τοῦ σοφουργοῦ Μιχαὴλ τὴν εἰκόνα.
Anonymi Epigrammatici
εἰς τὸν αὐτὸν χρυσοτρίκλινον
ὡς τὴν φαεινὴν ἀξίαν τῆς εἰκόνος
1
τῆς πρὶν φυλάττων, Μιχαὴλ αὐτοκράτωρ,
κρατῶν τε πάντων σαρκικῶν μολυσμάτων,
ἐξεικονίζεις καὶ γραφῇ τὸν δεσπότην,
ἔργῳ κρατύνων τοὺς λόγους τῶν δογμάτων.
5
Anonymi Epigrammatici
ἀδέσποτον εἰς τὸν Ἀδάμ
οὐ σοφίης ἀπάνευθεν Ἀδὰμ τὸ πρὶν ἐκαλεῖτο,
1
τέσσαρα ,γράμματʼ ἔχων εἰς τέσσαρα κλίματα κόσμου·
Ἄλφαγὰρ ἀντολίης ἔλαχεν δύσεως δὲ τὸ δέλτα,
ἄλφα πάλιν δʼ ἄρκτοιο, μεσημβρίης δὲ τὸ λοιπόν.
Ignatius
εἰς τὸν ναὸν τῆς παναγίας θεοτόκου εἰς τὴν Πηγήν
Πτωθέντα κοσμεῖ τὸν ναὸν τῆς Παρθένου
1
βασίλειός τε σὺν, Κωνσταντίνῳ Λέων.
Anonymi Epigrammatici
εἰς τὸν αὐτὸν εἰς τὸν τροῦλλον, ἐν τῇ ἀναλήψει
ἐκ γῆς ἀνελθὼν πατρικόν σου πρὸς θρόνον,
1
τὸν μητρικόν σου, σῶτερ, οἶκον δεικνύεις
πηγὴν νοητὴν κρειττόνων χαρισμάτων.
Anonymi Epigrammatici
ἐν τῷ αὐτῷ ναῷ, εἰς τὴν σταύρωσιν
ὁ νεκρὸς Ἅδης ἐξεμεῖ τεθνηκότας,
1
κάθαρσιν εὑρὼν σάρκα τὴν τοῦ δεσπότου.
Anonymi Epigrammatici
εἰς τὸν αὐτὸν ναὸν, εἰς τὴν μεταμόρφωσιν
λάμψας ὁ Χριστὸς ἐν Θαβὼρ φωτὸς πλέον,
1
σκιὰν πέπαυκε τοῦ παλαιτάτου νόμου.
Anonymi Epigrammatici
ἐν τῷ αὐτῷ ναῷ, εἰς τὴν ὑπαντήν
ὁρώμενος νῦν χερσὶ πρεσβύτου βρέφος
1
παλαιός ἐστι δημιουργὸς τῶν χρόνων.
Anonymi Epigrammatici
ἐν τῷ αὐτῷ ναῷ, εἰς χαιρετισμόν
Προοιμιάζει κοσμικὴν σωτηρίαν,
1
εἰπὼν τὸ Χαῖρε ταῖς γυναιξὶ δεσπότης.
Anonymi Epigrammatici
εἰς τὴν θεοτόκον
παρθένος υἱέα τίκτε· μεθʼ υἱέα παρθένος ἦεν.
1
Anonymi Epigrammatici
εἰς τὸν Σωτῆρα
χριστὲ μάκαρ, μερόπων φάος ἄφθιτον, υἱὲ Θεοῖο,
1
δῶρʼ ἀπὸ κρυστάλλων, δῶρʼ ἀπὸ σαρδονύχων
Δέχνυσο, παρθενικῆς τέκος ἄφθιτον, υἱὲ Θεοῖο,
δῶρʼ ἀπὸ κρυστάλλων, δῶρʼ ἀπὸ σαρδονύχων.
Anonymi Epigrammatici
εἰς τὸν τυφλόν
ἔβλεψε τυφλὸς ἐκ τόκου μεμυσμένος,
1
Χριστὸς γὰρ ἦλθεν ἡ πανόμματος χάρις·
Anonymi Epigrammatici
Εὐκτικά
ἤγειρεν ἡμῖν τῶν παθῶν τρικυμίαν
1
ἐχθρὸς κάκιστος, πνευματώσας τὸν σάλον,
ὅθεν ταράσσει καὶ βυθίζει καὶ βρέχει
τὸν φόρτον ἡμῶν ψυχικῆς τῆς ὁλκάδος·
ἀλλʼ, ὦ γαλήνη καὶ στορεστὰ τῆς ζάλης,
5
σύ, Χριστέ, δείξαις ἀβρόχους ἁμαρτίας,
τῷ σῷ πρὸς ὅρμῳ προσφόρως προσορμίσας,
ἐχθρὸν δὲ τοῦτον συμφοραῖς βεβρεγμένον.
Anonymi Epigrammatici
ὑπόθεσις, ἀπολογία εὔφημος. Ὁμηροκέντρων
βίβλος Πατρικίοιο θεουδέος ἀρητῆρος,
1
ὃς μέγα ἔργον ἔρεξεν, ὁμηρείης ἀπὸ βίβλου
κυδαλίμων ἐπέων τεύξας ἐρίτιμον ἀοιδήν,
πρήξιας ἀγγέλλουσαν ἀνικήτοιο Θεοῖο·
ὡς μόλεν ἀνθρώπων ἐς ὁμήγυριν, ὡς λάβε μορφὴν
5
ἀνδρομέην, καὶ γαστρὸς ἀμεμφέος ἔνδοθι κούρης
κρύπτετο τυτθὸς ἐών, ὃν ἀπείριτος οὐ χάδε κύκλος·
ἠδʼ ὡς παρθενικῆς θεοκύμονος ἔσπασε μαζὸν
παρθενίοιο γάλακτος ἀναβλύζοντα ῥέεθρον
ὡς κτάνεν Ἡρώδης ἀταλάφρονας εἰσέτι παῖδας
10
νήπιος, ἀθανάτοιο Θεοῦ διζήμενος οἶτον
ὥς μιν Ἰωάννης λοῦσεν ποταμοῖο ῥεέθροις·
ὥς τε δυώδεκα φῶτας ἀμύμονας ἔλλαβʼ ἑταίρους·
ὅσσων τʼ ἄρτια πάντα Θεὸς τεκτήνατο γυῖα,
νούσους τʼ ἐξελάσας στυγερὰς βλεφάρων τʼ ἀλαωτύν,
15
ἠδʼ ὅππως ῥείοντας ἀπέσβεσεν αἵματος ὁλκοὺς
ἁψαμένης ἑανοῖο πολυκλαύτοιο γυναικός·
ἠδʼ ὅσσους μοίρῃσιν ὑπʼ ἀργαλέῃσι δαμέντας
ἤγαγεν ἐς φάος αὖθις ἀπὸ χθονίοιο βερέθρου·
ὥς τε πάθους ἁγίου μνημήια κάλλιπεν ἄμμιν
20
ὥς τε βροτῶν ὑπὸ χερσὶ τάθη κρυεροῖς ἐνὶ δεσμοῖς,
αὐτὸς ἑκών οὐ γάρ τις ἐπιχθονίων πολεμίζοι
ὑψιμέδοντι Θεῷ, ὅτε μὴ αὐτός γε κελεύοι·
ὡς θάνεν, ὡς Ἀίδαο σιδήρεα ῥῆξε θύρετρα,
κεῖθεν δὲ ψυχὰς θεοπειθέας οὐρανὸν εἴσω
25
ἤγαγεν ἀχράντοισιν ὑπʼ ἐννεσίῃσι τοκῆος,
ἀνστὰς ἐν τριτάτᾐ φαεσιμβρότῳ ἠριγενείῃ
ἀρχέγονον βλάστημα θεοῦ γενετῆρος ἀνάρχου.
Anonymi Epigrammatici
ἐν Βλαχέρναις. ἴαμβοι
εἰ φρικτὸν ἐν γῇ τοῦ Θεοῦ ζητεῖς θρόνον,
1
ἰδὼν τὸν οἶκον θαύμασον τῆς παρθένου·
ἡ γὰρ φέρουσα τὸν Θεὸν ταῖς ἀγκάλαις,
φέρει τὸν αὐτὸν εἰς τὸ τοῦ τόπου σέβας·
ἐνταῦθα τῆς γῆς οἱ κρατεῖν τεταγμένοι
5
τὰ σκῆπτρα πιστεύουσι τῆς νίκης ἔχειν
ἐνταῦθα πολλὰς κοσμικὰς περιστάσεις
ὁ πατριάρχης ἀγρυπνῶν ἀνατρέπει·
οἱ βάρβαροι δὲ προσβαλόντες τῇ πόλει,
αὐτὴν στρατηγήσασαν ὡς εἶδον μόνον,
10
ἔκαμψαν εὐθὺς τοὺς ἀκαμπεῖς αὐχένας.
Anonymi Epigrammatici
εἰς τὸν αὐτὸν ναόν
ἔδει γενέσθαι δευτέραν Θεοῦ πύλην
1
τῆς παρθένου τὸν οἶκον, ὡς καὶ τὸν τόκον
κιβωτὸς ὤφθη τῆς πρὶν ἐνθεεστέρα,
οὐ τὰς πλάκας φέρουσα τὰς θεογράφους,
ἀλλʼ αὐτὸν ἔνδον τὸν Θεὸν δεδεγμένη.
5
ἐνταῦθα κρουνοὶ σαρκικῶν καθαρσίων,
καὶ ψυχικῶν λύτρωσις ἀγνοημάτων
ὅσαι γάρ εἰσι τῶν παθῶν περιστάσεις,
βλύζει τοσαύτας δωρεὰς τῶν θαυμάτων.
ἐνταῦθα νικήσασα τοὺς ἐναντίους,
10
ἀνεῖλεν αὐτοὺς ἀντὶ λόγχης εἷσ’ ὕδωρ·
τροπῆς γὰρ ἀλλοίωσιν οὐκ ἔχει μόνην,
Χριστὸν τεκοῦσα καὶ κλονοῦσα βαρβάρους,
Michael
εἰς τὴν Θεοτόκον βαστάζουσαν τὸν Χριστόν
αὕτη τεκοῦσα παρθένος πάλιν μένει·
1
καὶ μὴ θροηθῇς· ἔστι γὰρ τὸ παιδίον
θεός, θελήσας προσλαβέσθαι σαρκίον.
Sophronius
εἰς τὸν Κρανίου λίθον ἐν Ἱερουσαλήμ
πέτρα τρισμακάριστἐ θεόσσυτον αἷμα λαχοῦσα,
1
οὐρανίη γενεή σε πυρίπνοος ἀμφιπολεύει,
καὶ χθονὸς ἐνναετῆρες ἀνάκτορες ὑμνοπολοῦσι.
Greek Anthology. . ed. William Roger Paton. London. 1917.
Sponsored by Perseus Project, Tufts University.
Funding provided by The National Endowment for the Humanities; Google Digital Humanities Awards Program.