Scholia in Pindarum, Scholia in Pindarum Olympian Odes, ed. A. B. Drachmann, 5.29

a.

κολλᾷ τε σταδίων: εὖ ἑστώτων. ἑδραίων. ¹

b.

ὅτι προσχώννυσι καὶ προστίθησί τινα τῇ πόλει γῆν.

c.

κολλᾷ οὖν ἀντὶ τοῦ προσαναπλάσσει.

d.

τὸ δὲ σταδίων θαλάμων ἄλσος ἀντὶ τοῦ πρὸς οἰκοδομὴν ἐπιτήδειον οἴκων.

e.

ἄλλως· κολλᾷ τε σταδίων: Ἀρίσταρχός φησιν ² ἰλὺν καταφέρειν τὸν Ἵππαριν ὡς καὶ τὸν Νεῖλον· ἐκ δὲ τῆς ἰλύος κατασκευάζεσθαί φησιν ἄλση· κυρίως γὰρ ἀκούεσθαι τὰ ἄλση. οὐκ ἔστι δὲ, ἀλλ᾿ ὑψίγυια ἄλση τοὺς οἴκους φησὶ παρὰ τὸ ἑστάναι ὡς τὰ ἄλση.

f.

ἄλσος δὲ ³ θαλάμων, τὸ πλῆθος τῶν οἴκων, τουτέστιν αὐτὴν τὴν πόλιν, | ὡσεὶ ἔλεγε δένδρων ἄλσος. σταδίων δὲ οἷον ἑδραίων.⁴

g.

ὁ οὖν Ἵππαρις κολλᾶ καὶ προστίθησιν ἐπὶ τῇ πόλει τοὺς θαλάμους, καθὸ δι᾿ αὐτοῦ εἰσκομίζεται τὰ πρὸς τὴν κατασκευὴν ὑπουργήματα, καὶ διὰ τοῦτο αἴτιος τοῦ τὰς οἰκίας κατασκευάζεσθαι. μεσόγειος γάρ ἐστιν ἡ χώρα.

⁵

h.

ἄλλως· θάλαμος κυρίως ἐστὶν οἶκος ἐν ῳ κατακλείονται αἱ νυμφευόμεναι, ὅτι θάλλουσαι τῇ ἡλικίᾳ συνέρχονται γάμῳ· καταχρηστικῶς δὲ νῦν ὅλας τὰς οἰκίας θαλάμους εἶπεν ὁ Πίνδαρος.⁶

Scholia in Pindarum Scholia in Pindarum Olympian Odes 5.29

ed. A. B. Drachmann

Search the Perseus Catalog for:

a.

b.

c.

d.

e.

f.

g.

h.

Current edition Perseus

Notes on the current edition

Stable identifiers