Scholia in Pindarum, Scholia in Pindarum Olympian Odes, ed. A. B. Drachmann, 1.159

a.

τὸ δ᾿ αἰεὶ παράμερον ἐσλόν: οἱ ἄνθρωποι ¹ τῶν ἔμπροσθεν πεπραγμένων ἀγαθῶν οὐκ εἰώθασι μεμνῆσθαι, ἀλλὰ τὸ παρ᾿ ἡμέραν ἢ καλὸν ἢ κακὸν σκοποῦσιν· ἑκάστῳ οὖν, φησι, τῶν ἀνθρώπων τὸ παρ᾿ ἡμέραν γινόμενον ² κρίνεται μέγιστον εἶναι.

b.

ἄλλως· τὸ διὰ τῶν ἄθλων παραγινόμενον ἀγαθὸν παρ᾿ ἐκείνην τὴν ἡμέραν τὴν ἐνεστῶσαν, ἐν ᾗ τις ἐνίκησεν, ὕπατον δοκεῖ καὶ μέγιστον ἀγαθὸν τῷ τετυχηκότι.

c.

ἢ οὕτω· τὸ παρ᾿ ἡμέραν γινόμενον·³ τὰ γὰρ ἐνεστῶτα τῶν μελλόντων προκρίνεται.

d.

ἄλλως· τὸ δὲ καθ᾿ ἡμέραν καὶ ἀδιαλείπτως παρὸν τοῖς ἀνθρώποις ἀγαθὸν, τοῦτο ἔξοχον καὶ ὑπεράνθρωπον γίνεται ⁴ ἀγαθόν.

e.

ἢ οὕτω· τὸ δὲ παρὰ τὴν τοῦ στεφάνου ἡμέραν ἀγαθὸν ὕπατον γίνεται παντὶ ἀνθρώπῳ. ἡ δὲ ἡμέρα ⁵ καθ᾿ ἥν τις στέφεται τιμιωτάτη ἐστίν.

f.

ἄλλως· ἐάν τις πρότερον εὐτυχῇ ἐν τῷ ἄλλῳ βίῳ καὶ πάλιν εὐτυχήσας νικήσῃ, ἐν ἐκείνῃ τῇ ἡμέρᾳ ἐν ᾗ ἐνίκησεν ἐπιλέλησται τῶν ⁶ προτέρων εὐτυχημάτων.

g.

ἄλλως· τὸ γὰρ κατὰ προαίρεσιν συμβαῖνον ἀγαθὸν ὕπατον καὶ μέγιστον γίνεται παντὶ ἀνθρώπῳ· ὥσπερ καὶ ὁ Ἱέρων ἐπιθυμήσας νίκης ἐνίκησε καὶ ἐγένετο αὐτῷ τοῦτο τὸ παρ᾿ ἡμέραν ἀγαθὸν κατὰ προαίρεσιν τελεσθὲν ὕπατον καὶ μέγιστον.

Scholia in Pindarum Scholia in Pindarum Olympian Odes 1.159

ed. A. B. Drachmann

Search the Perseus Catalog for:

a.

b.

c.

d.

e.

f.

g.

Current edition Perseus

Notes on the current edition

Stable identifiers