[448] Κατὰ δρυός· παλαιάν τινα μελιττουργίαν ἐκτίθεται· μήπω γὰρ ἡμερούμεναι αἱ μέλισσαι, ἀλλ’ ἔτι ἄγριαι οὖσαι, ἐν τοῖς κοιλώμασι τῶν δρυῶν τὰ κηρία συνετίθεσαν, καὶ νῦν ἔτι ἔστιν ὅτε τοῦτο ποιοῦσιν. Τὸ δ’ ἐκτίσαντο ἀντὶ τοῦ κατεσκεύασαν. Ἄλλως· τοῦτο καὶ Ἡσίοδος (
ἔργ. 233
)·
κάμνει δ’ ἠερόφοιτος ἀριστοπόνος τε μέλισσα
ἠὲ πέτρης κοίλης κατὰ χηραμὸν ἢ δονάκεσσιν,
ἢ δρυὸς ὠγυγίης κατὰ κοιλάδος ἔνδοθι σίμβλων,
σμήνεσι μυριότρητα κατ’ ἄγγεα κηροδομοῦσα.
ἄκρη μέν τε φέρει βαλάνους, μέσση δὲ μελίσσας.
καὶ Φωκυλίδης (
Ποι. νουθ. 159-162
)·
κάμνει δ’ ἠερόφοιτος ἀριστοπόνος τε μέλισσα
ἠὲ πέτρης κοίλης κατὰ χηραμὸν ἢ δονάκεσσιν,
ἢ δρυὸς ὠγυγίης κατὰ κοιλάδος ἔνδοθι σίμβλων,
σμήνεσι μυριότρητα κατ’ ἄγγεα κηροδομοῦσα.
Scholia et glossae in Nicandri alexipharmaca (scholia vetera et recentiora). Scholia in Nicandrum. Leipzig. 1856.
Funding provided by Center for Hellenic Studies.