Scholia on Book 1 of Apollonius' Argonautica, ed. Carolus Wendel, 4.269-71a

Search the Perseus Catalog for:

← Previous Next →

269—71 a. καὶ ποταμὸς Τρίτων: περὶ τῆς τοῦ Νείλου ἀναδόσεως διάφοροι αἰτίαι παρὰ τοῖς παλαιοῖς ἐλέγοντο. Ἀναξαγόρας (cf. 59 A 91 Diels-Kranz) μὲν γάρ φησι διὰ τῆξιν τῆς χιόνος πληθύειν αὐτόν· ᾧ ἕπεται καὶ Εὐριπίδης λέγων (Hel. 1. 3)·
‘Νείλου μὲν αἵδε καλλιπάρθενοι ῥοαί,
λευκῆς τακείσης χιόνος ὑγραίνει γύην.’
καὶ Αἰσχύλος (fg 300 N.²) δὲ καὶ Σοφοκλῆς (fg 882 Pearson) ὑπέλαβον τοὺς ὑπὲρ τὴν Αἴγυπτον χιονίζεσθαι τόπους καὶ τηκομένης τῆς χιόνος τὴν χύσιν εἰς τὸν Νεῖλον ἐκδίδοσθαι. Νικαγόρας (M. II 332 b) δέ φησιν ἀπὸ τῶν ἀντοίκων αὐτὸν ῥεῖν. Δημόκριτος δὲ ὁ φυσικὸς (68 A 99 Diels-Kranz) ἀπὸ τοῦ κατὰ μεσημβρίαν ὑπερκειμένου πελάγους λαμβάνειν τὸν Νεῖλον τὴν ἐπίχυσιν, ἀπογλυκαίνεσθαι δὲ τὸ ὕδωρ διὰ τὸ διάστημα καὶ τὸ μῆκος τοῦ πόρου καὶ ὑπὸ τοῦ καύματος ἀφεψόμενον· διὸ καὶ ἐναντίαν φησὶν ἔχειν τὴν γεῦσιν. Οἰνοπίδης δὲ ὁ Χῖος (cf. 41, 11 Diels-Kranz), ὅτι χειμῶνος ὢν ὑπὸ γῆν ὁ ἥλιος ἐκπέμπει τὸ ὕδωρ, τοῦ δὲ θέρους γενόμενος ὑπὲρ γῆν οὐκέτι διὰ τὸ μᾶλλον θερμαίνεσθαι αὐτήν· διὸ κεχαραδρωμένη ἡ γῆ πλεῖον ὕδωρ ἀναδίδωσιν.

¹²³⁴⁵⁶⁷

Scholia on Book 1 of Apollonius' Argonautica. . ed. Carolus Wendel. Berlin. 1935.

Sponsored by Perseus Project, Tufts University.

Current edition

Scholia on Apollonius' Argonautica (Greek) (Scholia in Apollonium Rhodium vetera. Wendel, Carl, editor. Weidmann: Berlin, 1935.)

Editions (1)

Argonautica Perseus (The Argonautica of Apollonius Rhodius, Apollonius, Rhodius, creator; Mooney, George W, editor, translator. London: Longmans, Green, and Co., 1912.) — 4.294 focus

ὧς ἄρʼ ἔφη· τοῖσιν δὲ θεὰ τέρας ἐγγυάλιξεν

αἴσιον, ᾧ καὶ πάντες ἐπευφήμησαν ἰδόντες

295

στέλλεσθαι τήνδʼ οἶμον. ἐπιπρὸ γὰρ ὁλκὸς ἐτύχθη

οὐρανίης ἀκτῖνος, ὅπῃ καὶ ἀμεύσιμον ἦεν.

γηθόσυνοι δὲ Λύκοιο κατʼ αὐτόθι παῖδα λιπόντες

λαίφεσι πεπταμένοισιν ὑπεὶρ ἅλα ναυτίλλοντο,

οὔρεα Παφλαγόνων θηεύμενοι. οὐδὲ Κάραμβιν

300

γνάμψαν, ἐπεὶ πνοιαί τε καὶ οὐρανίου πυρὸς αἴγλη

μεῖνεν, ἕως Ἴστροιο μέγαν ῥόον εἰσαφίκοντο.

Κόλχοι δʼ αὖτʼ ἄλλοι μέν, ἐτώσια μαστεύοντες,

Κυανέας Πόντοιο διὲκ πέτρας ἐπέρησαν·

ἄλλοι δʼ αὖ ποταμὸν μετεκίαθον, οἷσιν ἄνασσεν

305

Ἄψυρτος, Καλὸν δὲ διὰ στόμα πεῖρε λιασθείς.

τῶ καὶ ὑπέφθη τούσγε βαλὼν ὕπερ αὐχένα γαίης

κόλπον ἔσω πόντοιο πανέσχατον Ἰονίοιο.

Ἴστρῳ γάρ τις νῆσος ἐέργεται οὔνομα Πεύκη,

τριγλώχιν, εὖρος μὲν ἐς αἰγιαλοὺς ἀνέχουσα,

310

στεινὸν δʼ αὖτʼ ἀγκῶνα ποτὶ ῥόον· ἀμφὶ δὲ δοιαὶ

σχίζονται προχοαί. τὴν μὲν καλέουσι Νάρηκος·

τὴν δʼ ὑπὸ τῇ νεάτῃ, Καλὸν στόμα. τῇ δὲ διαπρὸ

Ἄψυρτος Κόλχοι τε θοώτερον ὡρμήθησαν·

οἱ δʼ ὑψοῦ νήσοιο κατʼ ἀκροτάτης ἐνέοντο

315

τηλόθεν. εἱαμενῇσι δʼ ἐν ἄσπετα πώεα λεῖπον

ποιμένες ἄγραυλοι νηῶν φόβῳ, οἷά τε θῆρας

ὀσσόμενοι πόντου μεγακήτεος ἐξανιόντας.

οὐ γάρ πω ἁλίας γε πάρος ποθὶ νῆας ἴδοντο,

οὔτʼ οὖν Θρήιξιν μιγάδες Σκύθαι, οὐδὲ Σίγυννοι,

320

οὔτʼ οὖν Γραυκένιοι, οὔθʼ οἱ περὶ Λαύριον ἤδη

Σίνδοι ἐρημαῖον πεδίον μέγα ναιετάοντες.

αὐτὰρ ἐπεί τʼ Ἄγγουρον ὄρος, καὶ ἄπωθεν ἐόντα

Ἀγγούρου ὄρεος σκόπελον πάρα Καυλιακοῖο,

ᾧ πέρι δὴ σχίζων Ἴστρος ῥόον ἔνθα καὶ ἔνθα

325

βάλλει ἁλός, πεδίον τε τὸ Λαύριον ἠμείψαντο,

δή ῥα τότε Κρονίην Κόλχοι ἅλαδʼ ἐκπρομολόντες

πάντῃ, μή σφε λάθοιεν, ὑπετμήξαντο κελεύθους.

οἱ δʼ ὄπιθεν ποταμοῖο κατήλυθον, ἐκ δʼ ἐπέρησαν

δοιὰς Ἀρτέμιδος Βρυγηίδας ἀγχόθι νήσους.

330

τῶν δʼ ἤτοι ἑτέρῃ μὲν ἐν ἱερὸν ἔσκεν ἔδεθλον·

ἐν δʼ ἑτέρῃ, πληθὺν πεφυλαγμένοι Ἀψύρτοιο,

βαῖνον· ἐπεὶ κείνας πολέων λίπον ἔνδοθι νήσους

αὔτως, ἁζόμενοι κούρην Διός· αἱ δὲ δὴ ἄλλαι

στεινόμεναι Κόλχοισι πόρους εἴρυντο θαλάσσης.

335

ὧς δὲ καὶ εἰς ἀκτὰς πληθὺν λίπεν ἀγχόθι νήσων

μέσφα Σαλαγγῶνος ποταμοῦ καὶ Νέστιδος αἴης.

ἔνθα κε λευγαλέῃ Μινύαι τότε δηιοτῆτι

παυρότεροι πλεόνεσσιν ὑπείκαθον· ἀλλὰ πάροιθεν

συνθεσίην, μέγα νεῖκος ἀλευάμενοι, ἐτάμοντο,

340

κῶας μὲν χρύσειον, ἐπεί σφισιν αὐτὸς ὑπέστη

Αἰήτης, εἰ κεῖνοι ἀναπλήσειαν ἀέθλους,

ἔμπεδον εὐδικίῃ σφέας ἑξέμεν, εἴτε δόλοισιν,

εἴτε καὶ ἀμφαδίην αὔτως ἀέκοντος ἀπηύρων·

αὐτὰρ Μήδειάν γε—τὸ γὰρ πέλεν ἀμφήριστον—

345

παρθέσθαι κούρῃ Λητωίδι νόσφιν ὁμίλου,

εἰσόκε τις δικάσῃσι θεμιστούχων βασιλήων,

εἴτε μιν εἰς πατρὸς χρειὼ δόμον αὖτις ἱκάνειν,

εἴτε μεθʼ Ἑλλάδα γαῖαν ἀριστήεσσιν ἕπεσθαι.

Notes on the current edition

Scholia on Book 1 of Apollonius' Argonautica

1. 5 267. Et. Gen. (AB) Ἠερία: ἡ Αἴγυπτος τὸ πρὶν ἐκαλεῖτο — Ἀπολλώνιος· IV 267—268 —, ὅτι τοῖς ἐπ’ αὐτὴν πλέουσι (B, αὐτῆς κλαίουσι A) κοιλὴ οὖσα οὐ φαίνεται πρὶν ἂν σχεδὸν ὁρμισθῶσι, (Et. M., -ηθῶσι AB) καὶ τότε ὥσπερ ἐξ ὁμίχλης καὶ (καὶ B, om. A) ἀέρος κεκαλυμμένη φαίνεται. sch. I 580 a cum loc. sim. cf. W 81 Ps.-Arist. De inund. Nili Rose 1863, 633—39 Diod. I 38—41 Sen. Nat. Quaest. IV a 2, 17—30 Aët. Plac. phil. IV 1, 1—7 Ael. Aristid. 36, 13 Keil cf. Diels Doxogr. gr. 1879, 226—29

2. 9 Νείλου μὲν αἵδε Eur. : εἰλούμεναι δὲ L : εἰλουμένη δὲ P κ-οι ῥοαί L : -ος -ή P

3. 12 ὑπὲρ τὴν K : ὑπὸ τὴν L : κατ’ P

4. 13 χύσιν V : ῥύαν L

5. 18 Οἰνοπίδης Diels : Ἀριστίας (e sch. 263/64 b) L : Ἀρίστων (fg 2 M. III 324) P φησιν post Χῖος add. H

6. 19 ἐκπέμπει HF

7. 21 κεχαραδρωμένη W : καὶ χαλωμένη

Scholia on Book 1 of Apollonius' Argonautica 4.269-71a

ed. Carolus Wendel

Search the Perseus Catalog for:

Current edition

Notes on the current edition

Stable identifiers