Scholia on Book 1 of Apollonius' Argonautica, ed. Carolus Wendel, 4.282-91b.b4-cl0112

Search the Perseus Catalog for:

← Previous Next →

b. Ἴστρον μιν καλέ〈οντες〉: τὸν Ἴστρον φησὶν ἐκ τῶν Ὑπερβορέων καταφέρεσθαι καὶ τῶν Ῥιπαίων ὀρῶν· γενόμενον δὲ μεταξὺ Σκυθῶν καὶ θρακῶν σχίζεσθαι, καὶ τὸ μὲν εἰς τὴν καθ’ ἡμᾶς θάλασσαν ἐκβάλλειν ῥεῖθρον, τὸ δὲ εἰς τὴν Ποντικὴν θάλασσαν ἐκτίπτειν [τὸ δὲ εἰς τὸν Ἀδριατικὸν κόλπον]. οὕτω δὲ εἶπεν ἀκολουθῶν Αἰσχύλῳ, ἐν Λυομένῳ Προμηθεῖ (fg 197 N.²) λέγοντι τοῦτο. Ῥίπαια δὲ ὄρη πρὸς ταῖς ἀνατολαῖς, ὡς Καλλίμαχος (fg 215 Schn.)·
‘Ῥιπαίου πέμπουσιν ἀπ’ οὔρεος, ἦχι μάλιστα.’
Ἐρατοσθένης δὲ ἐν γ' Γεωγραφικῶν (fg III B 99 Berger) ἐξ ἐρήμων τόπων ῥεῖν, περιβάλλειν δὲ νῆσον Πεύκην. Σκύμνος δὲ ἐν τῇ [ι]ς' Περὶ Εὐρώπης αὐτὸ μόνον φησίν, ἀπὸ ἐρήμων φέρεσθαι τὸν Ἴστρον.

οὐδεὶς δὲ ἱστορεῖ διὰ τούτου τοὺς Ἀργοναύτας εἰσπεπλευκέναι εἰς τὴν ἡμετέραν θάλασσαν ἔξω Τιμαγήτου (fg 1 M. IV 519), ᾧ ἠκολούθησεν Ἀπολλώνιος. ὁ μὲν γὰρ Σκύμνος αὐτοὺς διὰ Τανάιδος πεπλευκέναι ἐπὶ τὴν μεγάλην θάλασσαν, ἐκεῖθεν δὲ εἰς τὴν ἡμετέραν θάλασσαν ἐληλυθέναι. καὶ παρεκβολεύεται, ὡς ἄρα ἐλθόντες ἐπὶ τὴν ἤπειρον οἱ Ἀργοναῦται ἐπὶ στρωτήρων ἐκόμισαν τὴν Ἀργώ, μέχρις οὗ ἐπὶ θάλασσαν

¹²³⁴⁵⁶⁷⁸⁹

Scholia on Book 1 of Apollonius' Argonautica. . ed. Carolus Wendel. . .

Sponsored by Perseus Project, Tufts University.

Current edition Experimental

Commentary (Carolus Wendel, 1935) (OCR draft) (Greek) ()

Provisional text from uncorrected OCR; expect errors.

Editions (1)

Argonautica Perseus (The Argonautica of Apollonius Rhodius, Apollonius, Rhodius, creator; Mooney, George W, editor, translator. London: Longmans, Green, and Co., 1912.) — 4.294 focus

ὧς ἄρʼ ἔφη· τοῖσιν δὲ θεὰ τέρας ἐγγυάλιξεν

αἴσιον, ᾧ καὶ πάντες ἐπευφήμησαν ἰδόντες

295

στέλλεσθαι τήνδʼ οἶμον. ἐπιπρὸ γὰρ ὁλκὸς ἐτύχθη

οὐρανίης ἀκτῖνος, ὅπῃ καὶ ἀμεύσιμον ἦεν.

γηθόσυνοι δὲ Λύκοιο κατʼ αὐτόθι παῖδα λιπόντες

λαίφεσι πεπταμένοισιν ὑπεὶρ ἅλα ναυτίλλοντο,

οὔρεα Παφλαγόνων θηεύμενοι. οὐδὲ Κάραμβιν

300

γνάμψαν, ἐπεὶ πνοιαί τε καὶ οὐρανίου πυρὸς αἴγλη

μεῖνεν, ἕως Ἴστροιο μέγαν ῥόον εἰσαφίκοντο.

Κόλχοι δʼ αὖτʼ ἄλλοι μέν, ἐτώσια μαστεύοντες,

Κυανέας Πόντοιο διὲκ πέτρας ἐπέρησαν·

ἄλλοι δʼ αὖ ποταμὸν μετεκίαθον, οἷσιν ἄνασσεν

305

Ἄψυρτος, Καλὸν δὲ διὰ στόμα πεῖρε λιασθείς.

τῶ καὶ ὑπέφθη τούσγε βαλὼν ὕπερ αὐχένα γαίης

κόλπον ἔσω πόντοιο πανέσχατον Ἰονίοιο.

Ἴστρῳ γάρ τις νῆσος ἐέργεται οὔνομα Πεύκη,

τριγλώχιν, εὖρος μὲν ἐς αἰγιαλοὺς ἀνέχουσα,

310

στεινὸν δʼ αὖτʼ ἀγκῶνα ποτὶ ῥόον· ἀμφὶ δὲ δοιαὶ

σχίζονται προχοαί. τὴν μὲν καλέουσι Νάρηκος·

τὴν δʼ ὑπὸ τῇ νεάτῃ, Καλὸν στόμα. τῇ δὲ διαπρὸ

Ἄψυρτος Κόλχοι τε θοώτερον ὡρμήθησαν·

οἱ δʼ ὑψοῦ νήσοιο κατʼ ἀκροτάτης ἐνέοντο

315

τηλόθεν. εἱαμενῇσι δʼ ἐν ἄσπετα πώεα λεῖπον

ποιμένες ἄγραυλοι νηῶν φόβῳ, οἷά τε θῆρας

ὀσσόμενοι πόντου μεγακήτεος ἐξανιόντας.

οὐ γάρ πω ἁλίας γε πάρος ποθὶ νῆας ἴδοντο,

οὔτʼ οὖν Θρήιξιν μιγάδες Σκύθαι, οὐδὲ Σίγυννοι,

320

οὔτʼ οὖν Γραυκένιοι, οὔθʼ οἱ περὶ Λαύριον ἤδη

Σίνδοι ἐρημαῖον πεδίον μέγα ναιετάοντες.

αὐτὰρ ἐπεί τʼ Ἄγγουρον ὄρος, καὶ ἄπωθεν ἐόντα

Ἀγγούρου ὄρεος σκόπελον πάρα Καυλιακοῖο,

ᾧ πέρι δὴ σχίζων Ἴστρος ῥόον ἔνθα καὶ ἔνθα

325

βάλλει ἁλός, πεδίον τε τὸ Λαύριον ἠμείψαντο,

δή ῥα τότε Κρονίην Κόλχοι ἅλαδʼ ἐκπρομολόντες

πάντῃ, μή σφε λάθοιεν, ὑπετμήξαντο κελεύθους.

οἱ δʼ ὄπιθεν ποταμοῖο κατήλυθον, ἐκ δʼ ἐπέρησαν

δοιὰς Ἀρτέμιδος Βρυγηίδας ἀγχόθι νήσους.

330

τῶν δʼ ἤτοι ἑτέρῃ μὲν ἐν ἱερὸν ἔσκεν ἔδεθλον·

ἐν δʼ ἑτέρῃ, πληθὺν πεφυλαγμένοι Ἀψύρτοιο,

βαῖνον· ἐπεὶ κείνας πολέων λίπον ἔνδοθι νήσους

αὔτως, ἁζόμενοι κούρην Διός· αἱ δὲ δὴ ἄλλαι

στεινόμεναι Κόλχοισι πόρους εἴρυντο θαλάσσης.

335

ὧς δὲ καὶ εἰς ἀκτὰς πληθὺν λίπεν ἀγχόθι νήσων

μέσφα Σαλαγγῶνος ποταμοῦ καὶ Νέστιδος αἴης.

ἔνθα κε λευγαλέῃ Μινύαι τότε δηιοτῆτι

παυρότεροι πλεόνεσσιν ὑπείκαθον· ἀλλὰ πάροιθεν

συνθεσίην, μέγα νεῖκος ἀλευάμενοι, ἐτάμοντο,

340

κῶας μὲν χρύσειον, ἐπεί σφισιν αὐτὸς ὑπέστη

Αἰήτης, εἰ κεῖνοι ἀναπλήσειαν ἀέθλους,

ἔμπεδον εὐδικίῃ σφέας ἑξέμεν, εἴτε δόλοισιν,

εἴτε καὶ ἀμφαδίην αὔτως ἀέκοντος ἀπηύρων·

αὐτὰρ Μήδειάν γε—τὸ γὰρ πέλεν ἀμφήριστον—

345

παρθέσθαι κούρῃ Λητωίδι νόσφιν ὁμίλου,

εἰσόκε τις δικάσῃσι θεμιστούχων βασιλήων,

εἴτε μιν εἰς πατρὸς χρειὼ δόμον αὖτις ἱκάνειν,

εἴτε μεθʼ Ἑλλάδα γαῖαν ἀριστήεσσιν ἕπεσθαι.

Notes on the current edition

Scholia on Book 1 of Apollonius' Argonautica

1. 8 καὶ τὸ μὲν — κόλπον ut supra L, ubi ultima verba Jacoby del. : καὶ τὸ μὲν τῶν ῥείθρων εἰς τὸν Ἀδριατικὸν ἐκβάλλειν κόλπον, τὸ δὲ εἰς τὸν Εὔξεινον πόντον P

2. 10 οὕτω — τοῦτο post ὀρῶν lin. 7 leguntur, unde trai. W et Wil. ad l.

3. 12 ἀνατολαῖς scil. τοῦ Ἴστρου (Schneider)

4. 13 πέμπουσιν L : om. P ἦχι L : ἦχον P

5. 15 Σκύμνος — Ἴστρον ante Ῥίπαια lin. 11 leguntur, trai. W del. Meineke

6. 16 αὐτό Schwartz : -όν L : om. P

7. 17 τούτου HF : -ων L : τοῦ Ἴστρου P

8. 18 τὴν ἡμ. θάλ. L : τὸν Ἀδριατικὸν κόλπον P

9. 22 στρωτ L : σαυροτ- P

Scholia on Book 1 of Apollonius' Argonautica 4.282-91b.b4-cl0112

ed. Carolus Wendel

Search the Perseus Catalog for:

Current edition Experimental

Notes on the current edition

Stable identifiers