Ecclesiasticus sive Siracides (Sapientia Jesu filii Sirach), ed. John Henry Arthur Hart, 6

Search the Perseus Catalog for:

← Previous Next →

ἐν μεγάλῳ καὶ ἐν μικρῷ μὴ ἀγνόει μηδὲ ἕν, καὶ ἀντὶ φίλου μὴ γίνου ἐχθρός·

ὄνομα γὰρ πονηρὸν αἰσχύνην καὶ ὄνειδος κληρονομήσει·

οὕτως ὁ ἁμαρτωλὸς δίγλωσσος ἀτιμίαν ἕξει.

μὴ ἐπάρης σεαυτὸν ἐν βουλῇ ψυχῆς σου, ἵνα μὴ διαρπαγῇ ὡς ταῦρος ἡ ψυχή σου·

τὰ φύλλα σου καταφάγεσαι καὶ τοὺς καρπούς σου ἀπολέσεις, καὶ ἀφήσεις σεαυτὸν ὡς ξηρὸν ξύλον.

ψυχὴ πονηρὰ ἀπολεῖ τὸν κτησάμενον αὐτήν, καὶ ἐπίχαρμα ἐχθρῶν ποιήσει αὐτήν.

λάρυγξ γλυκὺς πληθυνεῖ φίλους αὐτοῦ, καὶ γλῶσσα εὔλαλος πληθυνεῖ εὐπροσήγορα.

οἱ εἰρηνεύοντές σοι ἔστωσαν πολλοί, οἱ δὲ σύμβουλοί σου εἷς ἀπὸ χιλίων.

εἰ κτᾶσαι φίλον, ἐν περισπασμῷ κτῆσαι αὐτόν, καὶ μὴ ταχὺ ἐμπιστεύσῃς αὐτῷ σεαυτόν.

ἔστι γὰρ φίλος ἐν καιρῷ αὐτοῦ, καὶ οὐ μὴ παραμείνῃ ἐν ἡμέρᾳ θλίψεως σου.

καὶ ἔστι φίλος μετατιθέμενος εἰς ἔχθραν, καὶ μάχην ὀνειδισμοῦ σου ἀποκαλύψει·

καὶ ἔστι φίλος κοινωνὸς τραπεζῶν, καὶ οὐ μὴ παραμείνῃ ἐν ἡμέρᾳ θλίψεως σου.

καὶ ἐν τοῖς ἀγαθοῖς σου ὡς σύ, καὶ ἐπὶ τοὺς οἰκέτας σου παρρησιάσεται·

ἐὰν ταπεινωθῇς, ἔσται κατὰ σοῦ· καὶ ἀπὸ προσώπου σου κρυβήσεται.

ἀπὸ τῶν ἐχθρῶν σου διαχωρίσθητι, καὶ ἀπὸ τῶν φίλων σου πρόσεχε.

φίλος πιστὸς σκέπη κραταιά· ὁ δὲ εὑρὼν αὐτὸν εὗρε θη- ² σαῦρόν.

φίλου πιστοῦ οὐκ ἔστιν ἀντάλλαγμα, καὶ οὐκ ἔστι σταθμὸς τῆς καλλονῆς αὐτοῦ.

φίλος πιστὸς φάρμακον ζωῆς, καὶ οἱ φοβούμενοι τὸν κύριον εὑρήσουσιν αὐτόν.

ὁ φοβούμενος Κύριον εὐθυνεῖ φιλίαν αὐτοῦ, ὅτι κατ’ αὐτὸν οὕτως καὶ οἱ πλησίον αὐτοῦ.

τέκνον, ἐκ νεότητός σου ἐπίλεξαι παιδείαν, καὶ ἕως πολιῶν εὑ ῥήσεις σοφίαν·

καὶ ἀνάμενε τοὺς ἀγαθοὺς καρποὺς αὐτῆς. ἐν γὰρ τῆ ἐργασίᾳ αὐτῆς ὀλίγον κοπιάσεις, καὶ ταχὺ φάγεσαι ἀπὸ τῶν γενημάτων αὐτῆς.

ὡς τραχεῖά ἐστι σφόδρα τοῖς ἀπαιδεύτοις, καὶ οὐκ ἐμμενεῖ ἐν αὐτῇ ἀκάρδιος.

ὡς λίθος δοκιμασίας ἰσχυρὸς ἔσται ἐπ’ αὐτῷ· καὶ οὐ χρονιεῖ ἀπορρίψαι αὐτήν.

σοφία γὰρ κατὰ τὸ ὄνομα αὐτῆς ἐστι, καὶ οὐ πολλοῖς ἐστι φανερά.

ἄκουσον, τέκνον, καὶ ἔκλεξαι γνώμην μου, καὶ μὴ ἀπαναίνου τὴν συμβουλίαν μου·

καὶ εἰσένεγκαι τοὺς πόδας σου εἰς τὰς πέδας αὐτῆς, καὶ εἰς τὸν κλοιὸν αὐτῆς τὸν τράχηλόν σου·

ὑπόθες τὸν ὦμόν σου καὶ βάσταξον αὐτήν, καὶ μὴ προσοχθίσῃς τοῖς δεσμοῖς αὐτῆς.

ἐν πάσῃ ψυχῇ σου πρόσελθε αὐτῇ, καὶ ἐν ὅλη δυνάμει σου συντήρησον τὰς ὁδοὺς αὐτῆς.

ἐξίχνευσον καὶ ζήτησον, καὶ γνωσθήσεταί σοι· καὶ ἐγκρατὴς ³ γενόμενος μὴ ἀφῇς αὐτήν·

ἐπ’ ἐσχάτων γὰρ εὑρήσεις τὴν ἀνάπαυσιν αὐτῆς, καὶ στραφήσεταί σοι εἰς εὐφροσύνην·

καὶ ἔσονταί σοι αἱ πέδαι αὐτῆς εἰς σκέπην ἰσχύος, καὶ οἱ κλοιοὶ αὐτῆς εἰς στολὴν δόξης.

κόσμος γὰρ χρύσεος ἐστιν ἐπ’ αὐτῆς, καὶ οἱ δεσμοὶ αὐτῆς κλῶσμα ὑακίνθινον·

στολὴν δόξης ἐνδύσῃ αὐτήν, καὶ στέφανον ἀγαλλιάματος περιθήσεις σεαυτῷ.

ἐὰν θέλῃς, τέκνον, παιδευθήσῃ, καὶ ἐὰν ἐπιδῷς τὴν ψυχήν σου, πανοῦργος ἔση.

ἐὰν ἀγαπήσῃς ἀκούειν, ἐκδέξῃ σύνεσιν, καὶ ἐὰν κλίνης τὸ οὖς σου, σοφὸς ἔση.

ἐν πλήθει πρεσβυτέρων στῆθι· καὶ τίς σοφός; αὐτῷ προσκολλήθητι.

πᾶσαν διήγησιν θείαν θέλε ἀκροᾶσθαι, καὶ παροιμίαι συνέσεως μὴ ἐκΦευγέτωσάν σε.

ἐὰν ἴδῃς ἄνδρα συνετόν, ὄρθριζε πρὸς αὐτόν, καὶ βαθμοὺς θυρῶν αὐτοῦ ἐκτριβέτω ὁ ποὺς σου.

διανοοῦ ἐν τοῖς προστάγμασι κυρίου τελείως, καὶ ἐν ταῖς ἐντολαῖς ⁴ αὐτοῦ μελέτα διὰ παντός. αὐτὸς στηριεῖ τὴν καρδίαν σου, καὶ ἡ ἐπιθυμία τῆς σοφίας δοθήσεταί σοι.

Ecclesiasticus sive Siracides (Sapientia Jesu filii Sirach). . ed. John Henry Arthur Hart. Germany. 2014.

Current edition First1KGreek

Ἐκκλησιαστικός (Greek) (Septuaginta. Ecclesiasticus: the Greek text of Codex 248. Hart, John Henry Arthur, editor. Cambridge: Cambridge University Press, 1909.)

Editions (1)

Σοφία Ἰησοῦ Σειράχ First1KGreek (Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.) — 6 focus

καὶ ἀντὶ φίλου μὴ γίνου ἐχθρός·

ὄνομα γὰρ πονηρὸν αἰσχύνη, καὶ ὄνειδος κληρονομήσει·

οὕτως ὁ ἁμαρτωλὸς ὁ δίγλωσσος.

μὴ ἐπάρῃς σεαυτὸν ἐν βουλῇ ψυχῆς σου,

ἵνα μὴ διαρπαγῇ ὡς ταῦρος ἡ ψυχή σου·

τὰ φύλλα σου καταφάγεσαι

καὶ τοὺς καρποὺς σου ἀπολέσεις,

καὶ ἀφήσεις σεαυτὸν ὡς ξύλον ξηρόν.

Ψυχὴ πονηρὰ ἀπολεῖ τὸν κτησάμενον αὐτήν,

καὶ ἐπίχαρμα ἐχθρῶν ποιήσει αὐτόν.

λάρυγξ γλυκὺς πληθυνεῖ φίλους αὐτοῦ,

καὶ γλῶσσα εὔλαλος πληθυνεῖ εὐπροσήγορα.

οἱ εἰρηνεύοντές σοι ἔστωσαν πολλοί,

οἱ δὲ σύμβουλοί σου εἰς ἀπὸ χιλίων.

εἰ κτᾶσαι φίλον, ἐν πειρασμῷ κτῆσαι αὐτόν,

καὶ μὴ ταχὺ ἐμπιστεύσῃς αὐτῷ.

ἔστιν γὰρ φίλος ἐν καιρῷ αὐτοῦ,

καὶ οὐ μὴ παραμείνῃ ἐν ἡμέρᾳ θλίψεως σου·

καὶ ἔστιν φίλος μετατιθέμενος εἰς ἔχθραν,

καὶ μάχην ὀνειδισμοῦ σου ἀποκαλύψει·

καὶ ἔστιν φίλος κοινωνὸς τραπεζῶν,

¹²

καὶ οὐ μὴ παραμείνῃ ἐν ἡμέρᾳ θλίψεώς σου·

καὶ ἐν τοῖς ἀγαθοῖς σου ἔσται ὡς σύ,

καὶ ἐπὶ τοὺς οἰκέτας σου παρρησιάσεται·

ἐὰν ταπεινωθῇς, ἔσται κατὰ σοῦ,

καὶ ἀπὸ τοῦ προσώπου σου κρυβήσεται.

ἀπὸ τῶν ἐχθρῶν σου διαχωρίσθητι,

καὶ ἀπὸ τῶν φίλων σου πρόσεχε.

φίλος πιστὸς σκέπη κραταιά·

ὁ δὲ εὑρὼν αὐτόν, εὗρεν θησαυρόν.

φίλου πιστοῦ οὐκ ἔστιν ἀντάλλαγμα,

καὶ οὐκ ἔστιν σταθμὸς τῆς καλλονῆς αὐτοῦ.

φίλος πιστὸς φάρμακον ζωῆς,

καὶ οἱ φοβούμενοι Κύριον εὑρήσουσιν αὐτόν.

ὁ φοβούμενος Κύριον εὐθυνεῖ φιλίαν αὐτοῦ,

ὅτι κατʼ αὐτὸν οὕτως καὶ ὁ πλησίον αὐτοῦ.

Τέκνον, ἐκ νεότητός σου ἐπίλεξαι παιδίαν,

καὶ ἕως πο λιῶν εὑρ ήσεις σος φίαν·

ὡς ὁ ἀροτριῶν καὶ ὁ σπείρφφν πρόσελθε αὐτῇ,

καὶ ἀνάμενε τοὺς ἀγαθοὺς καρποὺς αὐτῆς·

(20)ἐν γὰρ τῇ ἐργασίᾳ αὐτῆς ὀλίγον κοπιάσεις,

καὶ ταχὺ φάγεσαι τῶν γενημάτων αὐτῆς.

ὡς ταχεῖά ἐστιν σφόδρα τοῖς ἀπαιδεύτοις,

καὶ οὐκ ἐμμενεῖ ἐν αὐτῇ ἀκάρδιος·

ὡς λίθος δοκιμασίας ἰσχυρὸς ἔσται ἐπʼ αὐτῷ,

καὶ οὐ χρονιεῖ ἀπορῖψαι αὐτήν.

σοφία γὰρ κατὰ τὸ ὄνομα αὐτῆς ἐστιν,

καὶ οὐ πολλοῖς ἐστιν φανερά.

ἄκουσον, τέκνον, καὶ δέξαι γνώμην μου,

καὶ μὴ ἀπαναίνου τὴν συμβουλίαν μου·

καὶ εἰσένεγκον τοὺς πόδας σου εἰς τὰς πέδας αὐτῆς,

καὶ εἰς τὸν κλοιὸν αὐτῆς τὸν τράχηλόν σου·

⁴⁶

ὑπόθες τὸν ὖμόν σου καὶ βάσταξον αὐτήν,

καὶ μὴ προσοχθίσῃς τοῖς δεσμοῖς αὐτῆς·

ἐν πάσῃ ψυχῇ σου πρόσελθε αὐτῇ,

καὶ ἐν ὅλῃ δυνάμει σου συντήρησον τὰς ὁδοὺς αὐτῆς.

ἐξίχνευσον καὶ ζήτησον, καὶ γνωσθήσεταί σοι,

καὶ ἐγκρατὴς γενόμενος μὴ ἀρῇς αὐτήν·

ἐπ᾿ ἐσχάτων γὰρ εὑρήκεις τὴν ἀνάπαυσιν αὐτῆς,

καὶ στραφήσεταί σοι εἰς εὐφροσύνην·

καὶ ἔσονταί σοι αἱ πέδαι εἰς σκέπην ἰσχύος,

καὶ οἱ κλάδοι αὐτῆς εἰς στολὴν δόξης.

κόσμος γὰρ χρύσεός ἐστιν ἐπʼ αὐτῆς,

καὶ οἱ δεσμοὶ αὐτῆς κλῶσμα ὑακίνθινον·

στολὴν δόξης ἐνδύσῃ αὐτήν,

καὶ στέφανον ἀγαλλιάματος περιθήσεις σεαυτῷ.

ἐὸν θέλῃς, τέκνον, παιδευθήσῃ,

καὶ ἐὰν δῷς τὴν ψυχὴν σου, πανοῦργος ἔσῃ·

ἐὰν ἀγαπήσῃς ἀκούειν, ἐκδέξῃ,

καὶ ἐὰν κλίνῃς τὸ οὖς σου, σοφὸς ἔσῃ.

ἐν πλήθει πρεσβυτέρων στῆθι

καὶ τίς σοφός; αὐτῷ προσκολλήθητι.

πᾶσαν διήγησιν θείαν θέλε ἀκούειν,

καὶ παροιμίαι συνέσεως μὴ ἐκφευγέτωσάν σε.

ἐὰν ἴδῃς συνετόν, ὄρθριζε πρὸς αὐτόν,

καὶ βαθμοὺς θυρῶν αὐτοῦ ἐκτριβέτω ὁ πούς σου.

διανοοῦ ἐν τοῖς προστάγμασιν Κυρίου,

καὶ ἐν ταῖς ἐντολαῖς αὐτοῦ μελέτα διὰ παντός·

αὐτὸς στηριεῖ τὴν καρδίαν σου,

καὶ ἡ ἐπιθυμία τῆς σοφίας σου δοθήσεταί σοι.

Notes on the current edition

Ἐκκλησιαστικός

1. 151 1

2. 5 Cod. πληθύνει

3. 151 2

4. 28 Cod. ἐπεσχάτων 34 Cod. prima manu σοὶ : secunda σοφ ο

Ecclesiasticus sive Siracides (Sapientia Jesu filii Sirach) 6

ed. John Henry Arthur Hart

Search the Perseus Catalog for:

Current edition First1KGreek

Notes on the current edition

Stable identifiers