Ecclesiasticus sive Siracides (Sapientia Jesu filii Sirach), ed. John Henry Arthur Hart, 49

Search the Perseus Catalog for:

← Previous Next →

μνημόσυνον ᾿Ιωσίου εἰς σύνθεσιν θυμιάματος, ἐσκευασμένῳ ἔργῳ μυρεψοῦ· ἐν παντὶ στόματι ὡς μέλι γλυκανθήσεται, καὶ ὡς μουσικὰ ἐν συμποσίῳ οἴνου.

αὐτὸς κατευθύνθη ἐν ἐπιστροφῇ λαοῦ, καὶ ἐξῆρε βδελύγματα ἀνομίας.

κατεύθυνε πρὸς κύριον τὴν καρδίαν αὐτοῦ, ἐν ἡμέραις ἀνόμων κατίσχυσε τὴν εὐσέβειαν.

πάρεξ Δαυῖδ καὶ ᾿Εζεκίου καὶ ᾿Ιωσίου, πάντες πλημμέλειαν ἐπλημμέλησαν· κατέλιπον γὰρ τὸν νόμον τοῦ ὑψίστου, οἱ βασιλεῖς Ἰούδα ἐξέλιπον.

ἔδωκε τὸ κέρας αὐτῶν ἑτέροις καὶ τὴν δόξαν αὐτῶν ἔθνει ἀλλοτρίῳ·

ἐνέπρησαν ἐκλεκτὴν πόλιν ἁγιάσματος, καὶ ἠρήμωσαν τὰς ὁδοὺς αὐτῆς ἐν χειρὶ ῾Ιερεμίου,

ἐκάκωσαν ὦσαν γὰρ αὐτόν.

καὶ αὐτὸς ἐν μήτρᾳ ἡγιάσθη προφήτης, ἐκριζοῦν καὶ κακοῦν καὶ ἀπολλύειν, ὡσαύτως οἰκοδομεῖν καὶ καταφυτεύειν·

᾿Ιεζεκιήλ, ὃς εἶδεν ὅρασιν δόξης, ἣν ὑπέδειξεν αὐτῷ ἐφ’ ἅρματος ¹ χερουβίμ.

καὶ γὰρ ἐμνήσθη τῶν ἐχθρῶν ἐν ὄμβρῳ, καὶ κατώρθωσε τοὺς εὐθύνοντας ὁδούς.

καὶ τῶν δώδεκα προφητῶν εἴη τὸ μνημόσυνον ἐν εὐλογίαις.

πῶς μεγαλύνομεν τὸν Ζοροβάβελ; καὶ αὐτὸς ὡς σφραγὶς ἐπὶ δεξιᾶς χειρός· οὕτως Ἰησοῦς υἱὸς ᾿Ιωσεδέκ·

οἳ ἐν ἡμέραις αὐτῶν ᾠκοδόμησαν οἶκον καὶ ἀνύψωσαν ναὸν ἅγιον κυρίῳ ἡτοιμασμένον εἰς δόξαν αἰῶνος.

καὶ ἐν ἐκλεκτοῖς ἦν Νεεμίας, οὗ ἐπὶ πολὺ τὸ μνημόσυνον αὐτοῦ, τοῦ ἐγείραντος ἡμῖν τείχη πεπτωκότα, καὶ στήσαντος πύλας καὶ μοχλούς, καὶ ἀνεγείραντος τὰ οἰκόπεδα ἡμῶν.

οὐδεὶς ἐκτίσθη τοιοῦτος ἐπὶ τῆς γῆς, οἷος ᾿Ενώχ, καὶ γὰρ ἀνελήφθη ἀπὸ τῆς γῆς·

οὐδὲ ὡς ᾿Ιωσὴφ ἐγεννήθη ἀνήρ, ἡγούμενος ἀδελφῶν, στήριγμα λαοῦ, καὶ τὰ ὀστᾶ αὐτοῦ ἐπεσκέπη ὑπὸ κυρίου.

Ecclesiasticus sive Siracides (Sapientia Jesu filii Sirach). . ed. John Henry Arthur Hart. Germany. 2014.

Current edition First1KGreek

Ἐκκλησιαστικός (Greek) (Septuaginta. Ecclesiasticus: the Greek text of Codex 248. Hart, John Henry Arthur, editor. Cambridge: Cambridge University Press, 1909.)

Editions (1)

Σοφία Ἰησοῦ Σειράχ First1KGreek (Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.) — 49 focus

μνημόσυνον Ἰωσείου εἰς σύνθεσιν θυμιάματος,

ἐσκευασμένον ἔργῳ μυρεψοῦ·

(2) ἐν παντὶ στόματι ὡς μέλι γλυκανθήσεται,

καὶ ὡς μουσικὰ ἐν συμποσίῳ οἴνου.

αὐτὸς κατευθύνθη ἐν ἐπιστροφῇ λαοῦ,

καὶ ἐξῆρεν βδελύγματα ἀνομίας·

κατεύθυνεν πρὸς Κύριον τὴν καρδίαν αὐτοῦ,

ἐν ἡμέραις ἀνόμων κατίσχυσεν τὴν εὐσέβειαν.

παρέξ Δαυεὶδ καὶ Ἐζεκίου καὶ Ἰωσείου

πάντες πλημμελίαν ἐπλημμέλησαν·

(6) κατέλιπον γὰρ τὸν νόμον τοῦ ὑψίστου,

οἱ βασιλεῖς Ἰούδα ἐξέλιπον.

ἔδωκαν γὰρ τὸ κέρας αὐτῶν ἑτέροις

καὶ τὴν δόξαν αὐτῶν ἔθνει ἀλλοτρίῳ·

ἐνεπύρισεν ἐκλεκτὴν πόλιν ἁγιάσματος,

καὶ ἠρήμωσαν τὰς ὁδοὺς αὐτῆς

ἐν χειρὶ Ἰερεμίου· ἐκάκωσαν γὰρ αὐτόν,

καὶ αὐτὸς ἐν μήτρᾳ ἡγιάσθη προφήτης,

ἐκριζοῦν καὶ κακοῦν καὶ ἀπολλύειν,

ὡσαύτως οἰκοδομεῖν καὶ καταφυτεύειν.

Ἰεζεκιήλ, ὃς εἶδεν ὅρασιν δόξης

ἣν ὑπέδειξεν αὐτῷ ἐπὶ ἄρματος χερουβείμ·

καὶ γὰρ ἐμνήσθη τῶν ἐχθρῶν ἐν ὄμβρῳ,

καὶ ἀγαθῶσαι τοὺς εὐθύνοντας ὁδούς.

καὶ τῶν ιβʼ προφητῶν τὰ ὀστᾶ

ἀναθάλοι ἐκ τοῦ τόπου αὐτῶν.

παρεκάλεσεν δὲ τὸν Ἰακώβ,

καὶ ἐλυτρώσατο αὐτοὺς ἐν πίστει ἐλπίδος.

πῶς μεγαλύνωμεν τὸν Ζοροβαβέλ ;

καὶ αὐτὸς ὡς σφραγὶς ἐπὶ δεξιᾶς χειρός.

οὕτως Ἰησοῦς υἱὸς ¶ Ἰωσεδὲκ·

³⁴

οἳ ἐν ἡμέραις αὐτῶν οἰκοδόμησαν οἶκον

καὶ ἀνύψωσαν λαὸν ἅγιον Κυρίῳ

ἡτοιμασμένον εἰς δόξαν αἰῶνος.

καὶ νέμουσιν ἐπὶ πολὺ τὸ μνημόσυνον

τοῦ ἐγείραντος ἡμῖν τείχη πεπτωκότα,

καὶ στήσαντος πύλας καὶ μοχλούς,

καὶ ἀνεγείραντος τὰ οἰκόπεδα ἡμῶν.

οὐδὲ εἶς ἐκτίσθη οἷος Ἑνὼχ τοιοῦτος ἐπὶ τῆς γῆς.

καὶ γὰρ αὐτὸς ἀνελήμφθη ἀπὸ τῆς γῆς·

ὁ δὲ Ἰωσὴφ ἐγενήθη ἀνήρ.

ἡγούμενος ἀδελφῶν, στήριγμα λαοῦ,

(18)καὶ τὰ ὀστᾶ αὐτοῦ ἐπεσκέπησαν.

Σὴμ καὶ Σὴθ ἐν ἀνθρώποις ἐδοξάσθησαν,

καὶ ὑπέρ πᾶν ζῷον ἐν τῇ κτίσει Ἀδάμ.

Notes on the current edition

Ἐκκλησιαστικός

1. 25 Cod. πρινὴ 2 Cod. ἐξῆρε

2. 189 1

Ecclesiasticus sive Siracides (Sapientia Jesu filii Sirach) 49

ed. John Henry Arthur Hart

Search the Perseus Catalog for:

Current edition First1KGreek

Notes on the current edition

Stable identifiers