Search the Perseus Catalog for:

← Previous Next →

Περὶ ὑπομονῆς

τέκνον, εἰ προσέρχῃ δουλεύειν τῷ κυρίῳ, ἑτοίμασον τὴν ψυχήν σου εἰς πειρασμόν.

εὔθυνον τὴν καρδίαν σου καὶ καρτέρησον, καὶ μὴ σπεύσῃς ἐν καιρῷ ἐπαγωγῆς·

κολλήθητι αὐτῷ καὶ μὴ ἀποστῇς, ἵνα αὐξηθῇς ἐπ’ ἐσχάτων σου.

πᾶν ὃ ἐὰν ἐπαχθῇ σοι δέξαι ἀσμένως, καὶ ἐν ἀλλάγματι ² ταπεινώσεως σου μακροθύμησον·

ὅτι ἐν πυρὶ δοκιμάζεται χρυσός, καὶ ἄνθρωποι δεκτοὶ ἐν καμίνῳ ταπεινώσεως.

πίστευσον αὐτῷ καὶ ἀντιλήψεταί σου·

καὶ εὔθυνον τὰς ὁδούς σου καὶ ἔλπισον ἐπ’ αὐτόν.

οἱ φοβούμενοι τὸν κύριον, πιστεύσατε αὐτῷ καὶ οὐ μὴ πταίσῃ ὁ μισθὸς ὑμῶν. οἱ φοβούμενοι τὸν κύριον, ἐλπίσατε εἰς ἀγαθά, καὶ εἰς εὐφροσύνην αἰῶνος καὶ ἐλέους.

οἱ φοβούμενοι τὸν κύριον, ἀναμείνατε τὸ ἔλεος αὐτοῦ, καὶ μὴ ἐκκλίνητε, ἵνα μὴ πέσητε.

ἐμβλέψατε εἰς ἀρχαίας γενεὰς καὶ ἴδετε· τίς ἐνεπίστευσε κυρίῳ καὶ κατῃσχύνθη ; ἢ τίς ἐνέμεινε τῷ φόβῳ αὐτοῦ καὶ ἐγκατελείφθη; ἢ τίς ἐπεκαλέσατο αὐτόν, καὶ ὑπερεῖδεν αὐτόν;

διότι οἰκτίρμων καὶ ἐλεήμων ὁ κύριος, μακρόθυμος καὶ πολυέλεος, καὶ ἀφίησιν ἁμαρτίας καὶ σώζει ἐν καιρῷ θλίψεως.

οὐαὶ καρδίαις δειλαῖς καὶ χερσὶ παρειμέναις, καὶ ἁμαρτωλῷ ἐπιβαίνοντι δύο τρίβους.

οὐαὶ καρδίᾳ παρειμένη, ὅτι οὐ πιστεύει· διὰ τοῦτο οὐ σκεπασθήσεται.

οὐαὶ ὑμῖν τοῖς ἀπολωλεκόσι τὴν ὑπομονήν· καὶ τί ποιήσετε ὅταν ἐπισκέπτηται κύριος;

οἱ φοβούμενοι κύριον οὐκ ἀπειθήσουσι ῥήμασιν αὐτοῦ, καὶ οἱ ἀγαπῶντες αὐτὸν συντηρήσουσι τὰς ὁδοὺς αὐτοῦ.

οἱ φοβούμενοι Κύριον ζητήσουσιν εὐδοκίαν παρ’ αὐτοῦ, καὶ οἱ ἀγαπῶντες αὐτὸν πλησθήσονται τοῦ νόμου.

οἱ φοβούμενοι κύριον ἑτοιμάσουσι καρδίας αὐτῶν, καὶ ἐνώπιον αὐτοῦ ταπεινώσουσι τὰς ψυχὰς αὐτῶν.

ἐμπεσούμεθα εἰς χεῖρας θεοῦ καὶ οὐκ εἰς χεῖρας ἀνθρώπων· ὡς γὰρ ἡ μεγαλωσύνη αὐτοῦ, οὕτως καὶ τὸ ἔλεος αὐτοῦ.

Ecclesiasticus sive Siracides (Sapientia Jesu filii Sirach). . ed. John Henry Arthur Hart. Germany. 2014.

Current edition First1KGreek

Ἐκκλησιαστικός (Greek) (Septuaginta. Ecclesiasticus: the Greek text of Codex 248. Hart, John Henry Arthur, editor. Cambridge: Cambridge University Press, 1909.)

Editions (1)

Σοφία Ἰησοῦ Σειράχ First1KGreek (Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.) — 2 focus

Τέκνον, εἰ προσέρχῃ δουλεύειν Κυρίῳ θεῷ,

ἑτοίμασον τὴν ψυχήν σου εἰς πειρασμόν·

εὔθυνον τὴν καρδίαν σου καὶ καρτέρησον,

καὶ μὴ σπεύσῃς ἐν καιρῷ ἐπαγωγῆς·

κολλήθητι αὐτῷ καὶ μὴ ἀποστῇς,

ἵνα αὐξηθῇς ἐπʼ ἐσχάτων σου.

πᾶν ὃ ἐὰν ἐπαχθῇ σοι δέξαι,

καὶ ἐν ἀλλάγμασιν ταπεινώσεως σου μακροθύμησον·

ὅτι ἐν πυρὶ δοκιμάζεται χρυσός,

καὶ ἄνθρωποι δεκτοὶ ἐν καμίνῳ ταπεινώσεαως.

πίστευσον αὐτῷ καὶ ἀντιλήμψεταί σου·

εὔθυνον τὰς ὁδούς σου καὶ ἔλπισον ἐπʼ αὐτόν.

οἱ φοβούμενοι τὸν κύριον, ἀναμείνατε τὸ ἔλεος αὐτοῦ,

καὶ μὴ ἐκκλινητε, ἵνα μὴ πέσητε.

οἱ φοβούμενοι Κύριον, πιστεύσατε αὐτῷ,

καὶ οὐ μὴ πταίσῃ ὁ μισθὸς ὑμῶν.

οἱ φοβούμενοι Κύριον, ἐλπίσατε εἰς ἀγαθὰ

καὶ εἰς εὐφροσύυην αἰῶνος καὶ ἐλέους.

ἐμβλέψατε εἰς ἀρχαίας γενεὰς καὶ ἴδετε·

τίς ἐνεπίστευσεν Κυρίῳ καὶ κατῃσχύνθη;

(12)ἢ τίς ἐνέμεινεν τῷ φόβῳ αὐτοῦ καὶ ἐγκατελείφθης

ἢ τίς ἐπεκαλέσατο αὐτόν, καὶ ὑπερεῖδεν αὐτόν;

¹³

διότι οἰκτείρμων καὶ ἐλεήμων ὁ κύριρς,

καὶ ἀφίησιν ἁμαρτίας καὶ σώζει ἐν καιρῷ θλίψεως.

οὐαὶ καρδίαις δειλαῖς καὶ χερσὶν παρειμέναις,

καὶ ἁμαρτωλῷ ἐπιβαίνοντι ἐπὶ δύο τρίβους.

οὐαὶ καρδίᾳ παρειμένῃ, ὅτι οὐ πιστεύει·

διὰ τοῦτο οὐ σκεπασθήσεται.

οὐαὶ ὑμῖν τοῖς ἀπολωλεκόσιν τὴν ὑπομονήν·

καὶ τί ποιήσετε ὅταν ἐπισκέπτηται ὁ κύριος ;

οἱ φοβούμενοι Κύριον οὐκ ἀπειθήσουσνι ῥημάτων αὐτοῦ,

καὶ οἱ ἀγαπῶντες αὐτὸν συντηρήσουσιν τὰς ὁδοὺς αὐτοῦ.

οἱ φοβούμενοι Κύριον ζητήσουσιν εὐδοκίαν αὐτοῦ,

καὶ οἱ ἀγαπῶντες αὐτὸν ἐμπλησθήσονται τοῦ νόμου.

οἱ φοβούμενοι Κύριον ἑτοιμάσουσιν καρδίας αὐτῶν,

καὶ ἐνώπιον αὐτοῦ ταπεινώσουσιν τὰς ψυχὰς αὐτῶν.

ἐμπεσούμεθα εἰς χεῖρας Κυρίου καὶ οὐκ εἰς χεῖρας ἀνθρώπων·

(23)ὡς γὰρ ἡ μεγαλωσύνη αὐτοῦ, οὕτως καὶ τὸ ἔλεος αὐτοῦ.

Notes on the current edition

Ἐκκλησιαστικός

1. 18 Cod. καύχησις

2. 148 1

Ecclesiasticus sive Siracides (Sapientia Jesu filii Sirach) 2

ed. John Henry Arthur Hart

Search the Perseus Catalog for:

Περὶ ὑπομονῆς

Current edition First1KGreek

Notes on the current edition

Stable identifiers