ΛΟΙΠΟΝ ΠΕΝΤΑΠΟΛΙΣ ΚΥΡΗΝΗΣ.
53. Ἀπὸ Ἀπολλωνιάδος εἰς Φυκοῦντα στάδιοι ρ΄· κώμην ἔχει· ὁρμίζοιο ἂν ὑπʼ αὐτὸν τοῖς ἀφʼ ἑσπέρας ἀνέμοις· ὅρμος ἐστὶ θερινός· ἔχει ὕδωρ.
54. Ἀκὸ Φυκοῦντος εἰς Ναυσίδα στάδιοι ρζ΄· κώμη
ἐστίν· ἔχει ὕδωρ ἐν τῷ αἰγιαλῷ.
ἐστίν· ἔχει ὕδωρ ἐν τῷ αἰγιαλῷ.
55. Ἀπὸ Ναυσίδος εἰς Πτολεμαΐδα στάδιοι σν΄· πόλις ἐστὶ μεγίστη· ἐπίσαλός ἐστιν ὁ τόπος, καὶ νῆσον ἔχει· Ἶλος καλεῖται· ἀσφαλίζου.
56. Ἀπὸ Πτολεμαΐδος εἰς Τεύχειρα στάδιοι σν΄· πόλις ἐστὶ Πενταπόλεως ἀρχαία. Αὕτη καλεῖται Ἀρσινόη.
57. Ἀπὸ Τευχείρων εἰς Βερνικίδα στάδιοι τν΄. Ὁ πλοῦς κάμπτεται· πλεύσας ἐς σταδίους Ϛʼ ὄψει ἀκρωτήριον προτεῖνον πρὸς ἐσπέραν· παράκειται δὲ βράχη μετέωρα· φυλάσσου παραπλέων· ὄψει δὲ νησίον ταπεινὸν μελανόν· Βραχέα καλεῖται τὸ ἀκρωτήριον· εἰς τὰ εὐώνυμα ἔχει ὅρμον πλοιαρίοις μικροῖς.
Οἱ πάντες ὁμοῦ ἐξ Ἀπολλωνιάδος εἰς Βερνικίδα στάδιοι αρν΄.
Stadiasmus Magni Maris. Anonymous. ed. Carolus Müllerus. United States. 2017.
Funding provided by Harvard Library Arcadia Fund.