Lucian of Samosata De Syria dea 29

[29] The manere of his goynge up is this. He putteth a schort corde abouten himself and the yerde, and thanne he climbeth on peces of wode ynaylled on the yerde, bigge ynow for to lette setten (set his toes) on his toon; and ther as he climbeth he throweth up the corde with bothe hondes right as he mighte schake the reynes of a charre. If ony ther be that hath not seen this thing, but hath seen men that climben trees of palme in Arabye or in Egypte, or elles where, he undirstondeth wherof I speke. ¹

Whan he is comen to the ende of his weye, he letteth falle an other corde that he hath, that is long, and draweth uppe what him list, wode and clothes and purveyaunce, of the whiche he frameth a sete lyk as a nest, theron he sytteth and abydeth for the space of the before seyde dayes, And manye comynge putten gold or silver or peraunter brasse, that thei usen for here moneyes, in to a vesselle that lyeth there neer, seyinge everychon his name. Thann oon that stondeth there beside calleth it uppe; and whan that other resceyveth the name of eech, he preyeth for him, and in preyinge schaketh a thyng of brasse that souneth gret and schrille whan it is stered. ² And he ne slepeth never. For if that ever he falle on slepe, a scorpioun goynge up awaketh him and doth him pitous harm; and that is the peyne that is leyde on him for slepynge. ³ Now this tale that is told of the scorpioun is a holy tale and wel semyng, but wher it be trewe or non, I wot neer. Natheles, me semeth that drede of fallynge avayleth moch to wakfulnesse.

Now thanne, of yerde-climberes have I seyd y now.