Galen, De victu attenuante, ed. Karl Kalbfleisch, 4

Search the Perseus Catalog for:

← Previous Next →

[4] ὅσα γὰρ ἐρεθίζει καὶ δάκνει τὰς αἰσθήσεις, εὔδηλον ὧς δριμέα τ’ ἐστὶ ταῦτα καὶ πάχος χυμῶν τέμνειν ἱκανά, καὶ μὲν δὴ καὶ πλείω
τοῦ δέοντος ληφθέντα δῆξιν ἐργάζεται τῇ γαστρὶ καὶ ἄσην οὐ σμικράν, ἐμούμενά τε καὶ διαχωρούμενα δριμείας ὀσμὰς ἀποπέμπει· τὰ πλεῖστα δ’ αὐτῶν καὶ οὖρα καὶ ἱδρῶτας ἐκβάλλει δυσώδεις τε καὶ δριμεῖς· καὶ μέν γε καὶ φύμασιν ἐπιτιθέμενα καὶ δοθιῆσιν ἕνια
μὲν αὐτῶν ῥήγνυσι καὶ διαβιβρώσκει ῥᾳδίως, ἔνια δὲ κατατίτρησι τὸ δέρμα, πολλὰ δ’· οἷον λέπος ἀφίστησιν αὐτοῦ καί τινα ἕλκη καὶ μάλιστα τὰς καλουμένας ἐσχάρας ἐργάζεται.

De victu attenuante. Galen. ed. Karl Kalbfleisch. Germany. 2014.

Current edition

De Victu Attenuante (Greek) (Galen. Galeni De victu attenuante liber. Kalbfleisch, Karl, editor. Leipzig: Teubner, 1898.)

Editions (1)

De victu attenuante First1KGreek (Galen. Galeni De victu attenuante liber. Kalbfleisch, Karl, editor. Leipzig: Teubner, 1898. (from Graeco-Arabic Project)) — 4 focus

23 Ἐπεὶ δ’ ἐξ ἀρχῆς ὁ λόγος ἐγένετό μοι περὶ
τῶν λαχανωδῶν ἐδεσμάτων ὡς τὰ πλεῖστα τοῦ γένους
τούτου λεπτύνει, ἐφεξῆς ἂν εἴη ῥητέον καὶ περὶ τῶν
ἀσπαράγων καλουμένων, ἑλείου τε καὶ μυακανθίνου
25 καὶ τοῦ τῆς χαμαιδάφνης ἔτι τε καὶ βρυωνίας καὶ ἄγνου καὶ ἀκτῆς καὶ τῶν ὁμοίων· ἐν τούτῳ δὲ τῷ
γένει καὶ οἱ τῶν ἀμπέλων ἕλικές εἰσι καὶ οἱ τῶν
βάτων καὶ εἴ τινος ἄλλου δένδρου βλαστὸς ἢ ἄνθος
ἐδώδιμον ὑπάρχει. 24 ὁ μὲν οὖν μυακάνθινος ὀνομαζόμενος
5 τῆς μέσης πως ὑπάρχει δυνάμεως· ἐφ’ ἑκάτερα
δὲ τούτου μικρὸν ἀποδέοντες ὅ θ’ ἕλειός ἐστι καὶ ὁ
τῆς χαμαιδάφνης, τοσούτῳ δ’ ὑγρότερος ὁ ἕλειος ὅσῳ
ξηρότερος ὁ τῆς χαμαιδάφνης· εὐστόμαχος δ’ οὐδὲν
ἧττον τῶν εἰρημένων ἐστὶν ὅ τε τῆς βρυωνίας καὶ ὁ
10 τοῦ ἄγνου καὶ 〈ὁ τῆς〉 ἀκτῆς 134v καὶ μᾶλλον ἔτι
τούτων οἱ σαφῶς αὐστηροὶ καὶ στύφοντες οἷος καὶ ὁ
τῆς βάτου καὶ· 〈ὁ〉 τῆς ἀμπέλου· καθαίρει δὲ διὰ τῆς
κάτω γαστρὸς ὁ τῆς ἀκτῆς. 25 ἀλλὰ τοὺς μὲν καθαίροντας
οὐχ οἷόν τ’ ἐστὶ γνωρίσαι πρὶν πειραθῆναι, τῶν
15 δ’ ἄλλων τῆς δυνάμεως ἔνεστι στοχάσασθαι τῇ γεύσει
τεκμαιρόμενον. οἱ μὲν γὰρ στύφοντες ἅπαντες .εὐστόμαχοί
τ’ εἰσὶ τοὐπίπαν καὶ μέσοι πως μάλιστα τὴν
δύναμιν, ἐξ οὗ γένους ἐστὶ καὶ ὁ τῆς φοίνικος ἐγκέφαλος·
οὕτω γὰρ ὀνομάζουσι τὸ ἁπαλὸν ἐκβλάστημα
20 〈*****〉 τοῦ φυτοῦ, καθάπερ ἐλάτας τὰς ἐκ τῶν πλαγίων·
οἱ δὲ καὶ πικρότητος ἐμφαίνοντές τι τοσούτῳ
ξηρότεροι καὶ τμητικώτεροι τούτων εἰσὶν ὅσῳ καὶ
πικρότεροι· εἰ δὲ καὶ δάκνοιεν ἢ θερμαίνοιεν ἐπιφανῶς τὴν γλῶτταν, ἐν τῇ λεπτυνούσῃ σαφῶς ἰδέᾳ
τίθεσθαι τούσδε.

Galen De victu attenuante 4

ed. Karl Kalbfleisch

Search the Perseus Catalog for:

Current edition

Stable identifiers